ده‌میرتاش داخوازا دانانا چه‌كێ ژ (PKK) دكه‌ت
ئه‌ڤرۆنیۆز:
ئاژانس، هه‌ڤسه‌رۆكێ پارتا مللى یا دیموكراتى یا كوردى سه‌لاحه‌دین ده‌میرتاش دوپاتكر، ئه‌و دێ بكارێ ئاراسته‌كرنا بامگه‌وازیا دانانا چه‌كى ژ ئه‌ندامێن (PKK ) هه‌تا مه‌ها نیسانا بهێت هه‌كه رێككه‌فتن دناڤبه‌را سه‌ركردێ زیندانكرى عه‌بدوللا ئۆجه‌لان و شاندێ وه‌لاتێ توركیا هاته په‌سه‌ندكرن.
سه‌لاحه‌دین ده‌میرتاش درۆژناما حوریه‌ت یا توركى دا هه‌روه‌سا رونكر، سه‌ركدرێن رێكخراوا ناڤبرى رونها كه‌سك بۆ پێشنیازا وى ڤه‌كریه، ئاماژه‌دا هندێ، دانوستاندن د ناڤبه‌را ئۆجه‌لان و شاندێ وه‌لاتێ توركیا ده‌سپێكرن ڤه پشتى روودان ژێریا وه‌لاتى ب سه‌ده‌ما ره‌وشا كوبانێ هاتیه روودان راوه‌ستانه‌ك كه‌فتبوویێ كو د ئه‌نجامدا 40 وه‌لاتیان گێانێ خوه ژ ده‌ستدان.
هه‌ڤسه‌رۆكێ (BDP ) هه‌روه‌سا خوه‌یاكر، گرنگترین خالا دانوستاندنێ یا دووماهیێ د ناڤبه‌را ئۆجه‌لان و حوكمه‌تا توركیا دا دانانا چه‌كى یه، چونكى وه‌لاتێ توركیا حه‌ز دكه‌ت وێ ئارمانجێ بجهبینیت، به‌لێ چه‌وانى و میكانیزما وێ دانانا چه‌كى دێ د دانوستاندنان دا هێنه دیاركرن.
ده‌میرتاش گۆت: پێدڤیه رێ بۆ گه‌له‌ك كه‌سان بۆ سه‌ره‌دانا ئۆجه‌لان ل زیندانا گزیرتا ئه‌میرلى یا ده‌ریاچه‌یا مه‌رمه‌ر بۆ ئارمانجا بجه ئینانا وى كارى د زووترین ده‌مدا.