ده‌میرتاش: چاڤێن ئۆجه‌لانى لاواز بوینه و نه‌شێت نڤیسینێ بكه‌ت
ئه‌ڤرۆ نیۆز:
سه‌رۆكێ پارتا ملله‌تێن دیموكراتى سه‌لاحه‌دین ده‌میرتاش د كونگره‌كێ رۆژنامه‌ڤانى دا راگه‌هاند، سه‌ركردێ پارتا كرێكارێن كوردستانێ عه‌بدوللا ئۆجه‌لان دیتنا چاڤێن وى لاواز بوویه و ئێدى نه‌شێن بباشى نڤیسینا بكه‌ت و پێدڤى ب سكرتێره‌كى هه‌یه كاروبارێن وى برێڤه ب به‌تن.
سه‌لاحه‌دین ده‌میرتاش هه‌روه‌سا بۆ رۆژناما ( (CNNتوركى ژى دیاركر، ده‌مێ ئه‌و به‌حسێ سكرتێرى دكه‌ت رامان ئه‌و نینه سكرتێره‌كێ تایبه‌ت بۆ بهێته دامه‌زراندن، چونكى د قانوونا ده‌وله‌تێ دا ئه‌و كار ناهێته قه‌بوولكرن، به‌لكێ هنده‌ك زیندانیێن دى ل گه‌ل وى كاروبارێن وى برێڤه ب به‌ن.
هه‌ڤده‌م سه‌لاحه‌دین ده‌میرتاش ره‌خه‌نه ل سیاسه‌تا توركیا سه‌باره‌ت سه‌ره‌ده‌ریا ل گه‌ل سوریا گرتن، ئاماژه‌دا هندێ، قه‌یرانا وه‌لاتێ سوریا و توركیا مه‌شق و راهێنان ب چه‌كدارێن له‌شكرێ ئاڤادێ سوریێ ل سه‌ر ئاخا خوه دكه‌ت، به‌لێ ده‌مێ هه‌مان كار چوویه دناڤ چارچووڤێ رێككه‌فتنێن ده‌ولى دا توركیا ئه‌و كار ره‌تكرن، ده‌میرتاش دوپاتكر، چه‌كدارێن له‌شكرێ ئازادێ سورى ل بنگه‌هه‌كێ له‌شكرێ به‌رانبه‌رى باژێركێ سه‌رێ كانیێ دهێنه مه‌شق و راهێنانكرن، گۆت ئه‌ز ئاماده‌مه رۆژنامه‌ڤان بۆ بنگه‌هى ب به‌م و ئاخفتنا خوه دوپات بكه‌م.
ده‌میرتاش هه‌روه‌سا گۆت: له‌شكرێ ئازادێ سورى ل گه‌ل باژێرێن توركى هه‌نه وه‌كى باژێرێ (ئه‌ده‌نه و عه‌نتابێ) ئه‌و چه‌نده ژى خوه‌یاكر، ره‌خه‌نیا وى ل سه‌ر هاریكاریا له‌شكرێ ئازاد و به‌رهنگاریا سورى نینه، به‌لكى ره‌خنه‌یا وى ل سه‌ر هه‌ریكاریا به‌ره‌یێ نوسره و گورپێن توندڕه‌وێن ئیسلامى دگریت.
