ده‌م سنێله‌نه
جه‌مال قاسم
باوه‌ری
هیڤیا دسۆژیت
ڕاستی مرۆڤی
دكۆژیت
***
ده‌مێ من تو دیتی
وه‌ك سنێله‌یه‌كی من تو ڤیای
ب گرنژینا خۆ
ته ئه‌ز كێشام
ب ئاوریێن خۆ
ته ئه‌ز دۆرپێچ كرم
ب نازداریێن خۆ
ته ئه‌ز دین كرم
***
دبیت سال بچن
ته نه‌بینم
د سناب و ستریكا دا ژی
نه‌مینم
سۆزی بده
ئه‌ز ژی
دێ ده‌م
داڤ و كوڤان و بیرهاتنا
بكه‌مه ستڤانك
و ب جه‌مینم
***
چه‌ند گاڤا
لدیف ته هاتم
ژ په‌رده‌یا شه‌رمێ
نه‌بووم زاڤا
هه‌ر ب ژڤان بووم
ئێخسیره‌كی گرتی بووم
ب قه‌ید و داڤا
وه‌غه‌ر خێربیت
جار جار
بو رۆندكێن من
فرێكه سلاڤا
***
تو
ب هه‌می پیرۆزیا كه‌ی
بۆ مرنا من نه‌كه‌ی گری
چاڤێن خۆ
سۆر نه‌كه
رویكێن خۆ
ته‌ر نه‌كه
پرچا خۆ
نه ڤه‌چری
كارێ خۆ بكه
ڕه‌شی
ل به‌ر خۆ نه كه
گولاڤێ
ل به‌ژنا خۆ بكه
تو
ب جوانیا خۆ كه‌ی
به‌س
بیرهاتنا ب هه‌لگری.
