دوكاندارێن بازاڕێ چەلێ دەست ب تۆماركرنا سكالایان دكەن
دهۆك، لەزگین جۆقی:
سەندیكا كرێكارێن كوردستانێ تایێ دهۆكێ دیار كر، بڕیارە ئەڤرۆ 3/7/2024ێ دەست ب تۆماركرنا سكالایان دژی تاوانبارێن سۆتنا بازارێ چەلێ بهێتە كرن، هەمی سكالا ژی بۆ حوكمەتا هەرێما كوردستانێ و ئیراقێ دێ هێنە هنارتن.
سەندیكایێ ئاشكرا ژی كریە، هندەك لایەن ب سۆتنا بازاڕێ خەلكێ كیمدەرامەت رابووینە، دڤێت تاوانبار بهێنە دادگەهكرن و ئەم وەكو سەندیكا كرێكاران دێ دەست ب تۆماركرنا سكالایان دژی تاوانبارێن سۆتنا بازاڕێ چەلێ كەین، كو تێدا 260 دوكان سۆتبوون.
سەندیكا كرێكاران داخوازا لژنەكا یاسایی ژ پۆلیسان كریە، كو بۆ دەمێ چار رۆژان ل سەندیكا كرێكاران بەرهەڤ بن بۆ تۆماركرنا سكالایان، داخوازێ ژ هەمی زیانڤێكەفتیان دكەین، بهێن سكالا تۆمار بكەن.
