دووری ستایلێن هیپ هۆپی و راپێ مە
شاهۆ فەرید:
سترانبێژ (بینەر عادل) د دیدارەكێ دا بۆ رۆژنامەیا ئەڤرۆ گۆت: بۆ سالا نوو من ئەلبۆمەكا سترانێن ئاهەنگ و شەهیانان و كلیپەك بەلاڤكرن:، بەرهەمێ ئاهەنگ و شەهیانان ژ دەه تراكان پێك دهێت، كلیپ ژی ژ پەیڤ و ئاوازیێن جوان حەسەن و هەژار دهۆكی ب كارێ وێنەگریی و دەرهێنانێ رابوویە، مەزاختیێ هەموو بەرهەم ژ داهاتێ منە و چو كەسەك یان لایەنەك پشتەڤانیێ ل من ناكەن، كارێ هونەری نوكە یێ ب زەحمەتە، چنكو دڤێت زۆر مەزاختیان بكەی هەتا یێ بەرچاڤ بی.
هەروەسا گۆت: كارێ هونەری ل وەلاتێ بەلجیكا یێ ب زەحمەتە، ژبەر نەبوونا سترانبێژان و لێدەرێن ئامیرێن مۆزیكێ و كێمیا ئاهەنگان، ژبەر كێمیا رەڤەندا كوردی ل وی وەلاتی و ژبەر نەبوونا دەمی ئەز یێ دووری سۆشیالێ مە و داخبارێ سترانا فولكۆری مە و دووری ستایلێن هیپ هۆپی و راپێ مە، گوهداریا سترانبێژێن رەسەن دكەم.
