دووماهیا ڤێ مەهێ دووماهی ژڤانە بۆ خـۆ تۆماركرنێ ل پڕۆژەیێ (هەژمارا من)
دهۆك، دلۆڤان ئاكرەیی:
پەیڤدارێ ئێكەتیا خانەنشینێن هەرێما كوردستان دیار كر، خانەنشینێن هەرێما كوردستانێ ب شێوەكێ بەرچاڤ خۆ ل پڕۆژەیێ (هەژمارا من) تۆمار دكەن، پشكەك ژ یێن خۆ تۆمار كرین هەتا نوكە كارتێن وان نەهاتینە ڤەگەڕاندن و چاڤڕێیا ڤەگەڕاندنا كارتان دكەن و یێن بەری نوكە فۆرمێن هەژمارا من پڕ نەكری، نوكە ب شێوەكێ بەرچاڤ دچن بۆ پڕكرنا فۆرمان.
عوسمان سادقی، پەیڤدارێ ئێكەتیا خانەنشینێن هەرێما كوردستان بۆ رۆژنامەیا ئەڤرۆ گۆت: «ل 31/8/2026 دووماهی ژڤانە بۆ پڕكرنا فۆرما هەژمارا من، خەلك لەزێ دكەت بۆ وێ چەندێ خۆ تۆمار بكەت، ئەگەر نە پشتی ڤی ژڤانی دێ ئاڕێشە بۆ مووچەیێ وان دروست بیت، ژ بەر ڤێ چەندێ نوكە پرۆسە ب شێوەیەكێ باش ب ڕێڤە دچیت و دهێتە پێشبینیكرن، هەتا دووماهیا ڤێ مەهێ ڕێژەیەكا بلند خۆ تومار بكەن».
