دو خۆیشك د ماله‌كێ دا كارێ هونه‌ری دكه‌ن
دهۆك، نه‌وزاد هلۆری:
سه‌نا و سیدرا دو كچێن خویشكێن ئێكن، ژ دهۆكێ نه و پێكڤه كارێ شێوه‌كاری دكه‌ن، دخوازن جهێن شۆله‌ژێ هاریكاریا وان بكه‌ن.
ئه‌و دبێژن: هه‌ر ژ زارۆكینی وان حه‌زا كارێ شێوه‌كاری هه‌بوو، به‌لێ پشتی چوینه قوتابخانێ هیڤیێن وان زێده‌تر بوون، وده‌مێ گه‌هشتنه قوناغا زانكۆیێ شیان هه‌تا راده‌كێ باش هیڤێن خوه بجه بینن و نوكه ب شێوه‌یه‌كێ گشتی كاری ل سه‌ر هونه‌رێ شێوه‌كاری و هونه‌رێ زۆمبی دكه‌ن، و ب دبێژن: مه هه‌تا نوكه چه‌ندین كار كرینه، به‌لێ ژبه‌ر نه‌بوونا پشته‌ڤانیێ نه‌شیاینه پێشانگه‌هان ڤه كه‌ین، و هه‌كه هاریكاری هه‌بیت دێ شێین كارێن جوان كه‌ین، هه‌ردو خوشك پێكڤه پشكه‌ك ژ كارێ خوه د فروشن و دبێژن: ئه‌م كارێن خوه ب رێیا ئۆنلاین د فرۆشین، به‌لێ زۆر لاوازه و هێشتا كارێن هونه‌ری ل ده‌ف مه نه‌بوویه كلتۆر.
