دو كورتە چیرۆكێن جیهانی
كوردیكرن:
جلال أحمد صالح
(1)
دوریشمێن دوماهیكێ
( دیڤید برونگارت)
چاڤێن ژنێ تژی بوون ژ ڕوندكا دەمێ نوژداری گوتییێ: مێشك ئێدی شۆل نا كت یێ ڕاوەستیای ، دڤێت ئەم نها ئامیرێن گەشەپێدانی لسەر ڕاكن، ل ڤێرێ ئیمزا بكە هیڤی دكم.
ئیمزا كر و ژ هولا گەشەپیدانا نەخۆشان دەركەفت، د وی دەمیدا ژنەكا دی هاتە ژۆر گۆتە نۆژداری: تو چ دكی؟!
نوژداری گۆتێ تو كیی؟
گوتێ ئەز هەڤژینا وی مە.
ئەوا دی كی بو؟!
(2)
تڕس
(ئیدوارد گالیانو یێ ئوروگوایی)
سپێدەهییەكێ كێڤریشكەك دیاری بۆ من هات، كێڤریشك د ڕكەهەكێ ( قفص) دا بوو، نیڤرۆ من دەرگەهێ ڕكەهێ بۆ كێڤریشكێ ڤەكر و ئەز ژ مال دەركەفتم، و دەمێ ئەز ئێڤاری زڤڕیمە مال ڤە، من دیت كێڤریشكێ یا خۆ ب ئاسنێن قەفەسێ ڤە گرتی و ژ تڕسێن ئازادیێ یا د لەرزت.
