دو ھەیڤان دێ دوور کەڤیت
ئەڤرۆ نیوز:
بەرەڤانێ یانا یوڤانتوس یا ئیتالی دبیت بو ماوێ دو ھەیڤان ژ یاریگەھان و پێکھاتیێ یانا خوە دوورکەڤیت ب ئەگەرا ھنگافتنێ ل رانێ وی.
زێدەتر ل دور ڤێ چەندێ ژێدەرێن نێزیک یانا ئیتالی ئاشکراکریە کو ئەندریا بارزالی بو ماوێ ٤٥ ھەتا ٦٠ روژان دێ ژ یاریگەھان دوورکەڤیت و ل یاریێن یانا خوە یێن خولا ئیتالیا ل ھەمبەر ئەنتەر میلان، روما و تورینو یاریێ ناکەت زێدەباری یاریا دووماھیا قوناغا کومان دقارەمانیا یانێن ئوروپا دا ل دژی یونگ بویز و کاسا سوپەرا ئیتالیا ل دژی میلان.
ئەڤ یاریزانێ ٣٧ سالی بو ماوێ ٢٠٠ خولەکان تنێ ل ڤی وەرزی یاریی بو یوڤانتوس کریە و پێشبینیا ڤەگەریانا وی نینە ھەتا دەستپێکا سالا نوو.