دکتۆر رۆژ فاکتەرێن نەچوونا وەزیرێن کورد بۆ بەغدا ئاشکرا دکەت
ئەڤرۆ:
جێگرێ بەرێ یێ سەرۆک وەزیرێن عیراقێ راگەھاند کو سێ فاکتەر ل پشت نەچوونا وەزیرێن کورد بۆ بەغدا یێن ھەین.
د. رۆژ نوری شاویس د داخویانیەکێ دا بۆ زاگرۆس TV دیار کر، ئێک ژ فاکتەرێن سەرەکی ئەوە، ئەو ناڤێن بۆ بەغدا ھاتینە ھنارتن ژ ئالیێ حزبێن وان ڤە نەھاتنە بەربژار کرن، بەلکو بەغدا ژ دەڤ خوە ئەو ناڤ یێن داینە پەرلەمانی و گۆت:(ل دەمێ پرۆسا پێکئینانێ ھاتیە ئەنجامدان، سەرکرداتیێن حزبێن کوردی د کۆمبوونێ دا بوون).
د. رۆژ فاکتەرێ دویێ ژی بۆ نەگەھشتنا رێژا پێدڤی یا وەزارەتێن کوردان ڤەگەڕاندن و بجە نەئینان سۆزان کو پێدڤی بوو بەغدا د ھەیڤا نەە دا بودجا ھەرێمێ بھنێریت کو ھێشتا نەھناریتە، فاکتەرەکێ دی یێ نەچوونا وەزیرێن کوردە بوو بەغدا.
