دھۆک و ئاکرێ دەربازبوونە دووماھیا خۆلا کوردستانێ و بزانە یاریا دووماھیێ دێ ل کیژ باژێری ھێتەکرن
ئەڤرۆ نیوز،قەیس وەیس:
ھەردو نوونەرێن پارێزگەھا دھۆکێ دخولا پلا ئێک یا کوردستانێ دا دەربازی یاریا دووماھیا خولا پلا ئێک یا کوردستانێ بوون پشتی ئەڤرۆ ل یاریگەھێن خوە شیان سەرکەفتنێ ل سەر مێڤاندارێن خوە توماربکەن و پلێتا دەربازبوونا یاریا دووماھیێ ب دەستخوڤە ئیناین.
تیما تەپا پێ یا دھۆک ل یاریگەھا خوە شیا سەرکەفتنێ ل سەر یانا دەربەندیخان توماربکەت ب گولەکێ بێ بەرامبەر و گولا یانا دھۆک ژلایێ یاریزانێ وێ نێچیرڤان شوکری ل خولەکا ٧٣ ھاتە تومارکرن و شیا پلێتا دەربازبوونێ بۆ یاریا دووماھیا خولا پلا ئێک یا کوردستانێ مسوگەر بکەت و تیما تەپا پێ یا دھۆک دێ یاریا خوە یا دووماھیا ل گەل یانا ئاکرێ کەت ئەوا ژلایێ خوڤە دوھی ل یاریگەھا خوە سەرکەفتن ل سەر یانا پێشمەرگا سلێمانیێ تومارکری ب گولا یاریزانێ خوە لەیس جەلیل ئەوا ل خولەکا ٣٦ ھاتیە تومارکرن کو ب ڤان ھەردو ئەنجامان ھەردو نوونەرێن پارێزگەھا دھۆکێ گەھشتنە یاریا دووماھیا خولا پلا ئێک یا کوردستانێ و بریارە یاریا دووماھیا خولێ ل باژێرێ دەربەندیخان ئەنجامدان پشتی ل ماوێ بوری ئێکەتیا تەپا پێ یا کوردستانێ دەست نیشانکرنا یاریا دووماھیا خولێ دابوو .
