دیارییا مەلا مستەفایێ بارزانی دایـە بابێ من هێشتا یا ل دەف مـن پاراستی یـە
سالار محەمەد دۆسكی:
5-7
مە خوە بەرهەڤكر ئەم بچین رەبیا سەرزێری ژی راكەین و سێ رۆژا حوكمەتا ئیراقێ یا هێزا خوە ڤەدگوهێزیتە چەلێ و سلوپیا و حوكمەتا ئیراقێ دەست ب ڤەگوهاستنا هێزی كر، و ئەو هێزا ل بێگوڤا پێشمەرگەی رێك نەدایێ بهێتە دەڤەرێ و پێشمەرگە ژ دەڤەرێ خوە ڤەكێشا و هێزێن ئیراقێ ژ ئاخا توركیا و دەشتان و چەلێ ڤە هاتنە ناڤ ئاخا ئیراقێ و 14 فرۆكە ل هنداف سەرێ مە بوون، و حەفت فرۆكە ژ ئاخا توركیا هاتن و هێرشكر و حەفت فرۆكە ژی ژ ئورمان و دەڤەرێ هاتن و هنداف كانی ماسێ زڤرین، لەشكری ژی ب مدرع و چەكێ گران هێدی هێدی بەرەف كانی ماسێ ڤە هاتن و مە سام هەبوون و هەڤالێن مە سامەك بەردا فرۆكێ و فرۆكەڤانی زی پێ حەسیا و خوە ڤەدا و ئەم چووین و دەربازبووینە گوندێ بێدهێ و حوكمەتا توركیا رێك دا ئیراقێ و لەشكر هاتە ناڤ ئاخا ئیراقێ و سنور هەر هەمی هاتەگرتن و لەشكری ژی هێدی هێدی ب چەكێ گران تەقدم كر، و بەرەف كانی ماسێ هات و خەلكێ كانی ماسێ زڤرینە ناف كانی ماسێ و د. رۆژ نوری گۆت بزڤرن و لەشكر چ ل هەوە ناكەت و هندەك پێشمەرگەیێن مە مانە دناڤ لەشكرێ ئیراقێ و تراشان دا و نەشیان خوە ب لڤینن هەتا لێ بوویە شەڤ، داستانا كانی ماسێ گەلەك یا نەخوش بوو و تایبەت پشتی فرۆكە هاتین و ئەڤە گەلەك یا نەخوش بوو 14 فرۆكە ل هنداف سەرێ تە رەمیێ بكەن، بەلێ هەمان دەم ل دەمێ هێرشێ پێشمەرگە گەلەك یێ ب مورالەكا بلند بوو و پێشتر دەواتەكا مەزن گرێدا و پێشمەرگەی هەر ئنیەتا سەركەفتنێ بوو.
پێشمەرگەیێ شۆڕشا گولانێ ئسماعیل سادق عەزیز بێتكاری بەرواری، بەحسێ داستانا دێرەلوكێ ژی كر و گۆت: ئەو شەرێ نەخوش بوو ژ بەر چەند ئەگەران ئێك زڤستان و بەفرۆ باران بوو و هێرشا دێرەلوكێ چەندین لژنە پشكدار ب بوون (لژنا ئامێدیێ، لژنا گولان، لژنا زاخو، لژنا دهوك، ئاكرێ، بارەگایێ لقێ) دو هزار بۆسێ هزار پێشمەرگەی پشكدار ب بوون و دەمژمێر سفر ژ 12 بۆ ئێكێ هاتە دەست نیشانكرن، و كاك تەمەر رەمەزن سەرپەرشتیێ سەرەكی بوو یێ داستانا كانی ماسێ و سەید نایف و شوكری نێروەیی ژی رۆلەكێ كاریگەر هەبوو و مە ب شەڤێ هەتا سپێدێ شەر كر، و نەخوشی ئەو بوو شەر كەفتە سپێدێ دا و نیڤرۆ ئەو فەوجێن جاشا و حوكمەتێ هەر هەمی مە پیچكرن و شەر كەفتە ناف باژێری و هەتا درەنك شەری ڤەكێشا و خەلك مانە ناڤ گوندی دا و بتنێ شەرێ مە ل گەل چەكداران بوو و ئەم دو رۆژا ماینە ل دێرەلوكێ و مە ل بەر بوو بچینە شێلادزێ بەلێ فرۆكە هاتن، و مە پرا دێرەلوكێ تەقاند دا لەشكر دەرباز نەبیت و ئەڤ سالا 1987ێ بوو پشتی داستانا كانی ماسێ.
پێشمەرگەیێ شۆڕشا گولانێ ئسماعیل سادق عەزیز بێتكاری بەرواری، گوت: وی دەمی تەمەر رەمەزن بەرپرسێ لژنا ناوچا ئامێدیێ بوو و ئەم چەند رۆژا ماینە ل دەڤەرا بەرێ گارەی و مە ژڤان بوو هێرشی بكەینە سەرسنگ و قەدشێ و هەتا دێرەلوكێ بكەین بەلێ هەوا ئەنفالا دروست بوو و هێزێن لەشكەری گەلەك هاتنە دەڤەرێ.
پێشمەرگەیێ شۆڕشا گولانێ ئسماعیل سادق عەزیز بێتكاری بەرواری گۆتژی: برقی هاتبوون و دەمێ شەرێ خواكوركی ب دووماهی هاتی حوكمەتێ گەلەك هێز ئینا كانی ماسێ و قەدش و سەرسنگ و هەمی دەڤەرا گەلەك هێز ئینایێ و مە ب چاڤ دیت و یا پێنبینی كربوو كو حوكمەتا بەعس دێ كارەكێ مەزن ل دەڤەرێ ئەنجام دەت و ئەم ل (بێبادێ) كەفتینە كەمینەكا دوژمنی ژی و ئەم دەربازبووین و ب شەڤێ ماینە ل (بۆتیان) و سپێدێ فرۆكە هات و ڕەمی و كێمیاوی هاڤێتە گوندێن(هێسێ و ئێكمالێ، بەرێگارەی) دا وی دەمی مالا مە ل وێرێ بوو و بابێ من ژی ل وێرێ بوو بەر ب كێمیایی كەفت.
پێشمەرگەیێ شۆڕشا گولانێ ئسماعیل سادق عەزیز بێتكاری بەرواری هێشتا گوت: سێ برایێن من ل گەل كورەك و دو برازیێن من شەهید بووینە درێكا ئازادی خوازا كوردستانێ دا، پێشمەرگەی چالاكیەكا مەزن یا لەشكری ئەنجام دا بوو، و عزەتێ برایێ من تێدا پشكدار ب بوو و ئەم وی دەمی ل گوندێ هێسێ بووین و دەنگوباس گەهشتنە مرۆڤێن مە و من ژی گۆت دێ دوڤدا چم و ئەوا دەنگ و باسێ شەهید بوونێ زانی بوو گۆتە من راوستە و نەچە و پسمامن من (محەمەد، سەدیق، و نەزیر) ژی شەهید ب بوون و ل چەم سەیدا ڤەشارت بوون و رۆژا دوڤدا ئەم ل سەر شەهیدكرنا وان هاتینە ئاگەهداركرن.
پێشمەرگەیێ شۆڕشا گولانێ ئسماعیل سادق عەزیز بێتكاری بەرواری گوت ژی: ل هەوا ئەنفالان دەمێ ئەم چووینە سەرسنگێ ل گەل كاك تەمەر كوچەر و سەید نایفی وەك پێشتر مە ئاماژە پێكری ئەم ب ژڤان بووین عملیاتەكا مەزن بكەین، بەلێ فرۆكە هاتنە بوتیا و سپێدێ فرۆكا كێمیا ل چەند گوندان كرن و من گۆت دێ چمە مال و ئەز چوم وی دەمی مالا مە ل گوندێ(هێسێ) بوو و ئەز چووم گوندی و من دیت گوندێ بەردایە و من ئاگەه ژ بهێنێ هەبوو و بهێنەكا دهێت و من نەزانی كێمیاوی هاڤێتی یە و كەسەك نەمایە ل گوندی و تەرش و كەوال و مرۆڤ هەر كەس نەمایە و هەر هەمی یێن چوین قەستا پرا بلبل كری دناڤ ئاخا توركیا دا و گەلەك ژ تەڕشو كەوالان دیت ل سەر ئافێ كومبووینە و من دیت لەشكر ژی دەرباز بوو و ئەز یێ بتنێ بووم و ئەز ل هێسێ بووم ل هنداڤ تروانش و لەشكر دبەرمەرا هات و ئەم هەر دو یێ ئێك و دو دبینین و بەرەف سنوری دهێت وێ شەڤێ ژی گەلەك گوندان وەكی (شەریفا، بوتیا و بەرێ گارێ) تژی بوو و قەربالغ دروست بوو هندی خەلك رەڤی و گەلەك خەلك هات و ئەڤە هەوا ئەنفالان بوو و گەلەك كەفتنە دەستێ حوكمەتێ و یێن هاتین ژی رەڤین و خوە قورتال كربوون و عەیالێن مە ژی پێشتر خوە قورتالكرربوون، و دایك و باب و خێزان و خویشك و برا هەر هەمی چووبوونە پشتا پرا بلبل گەلی و سنورێ توركیانە و ئەز چووم ل وێرێ بوون و گۆت ئەم دێ ل ڤێرێ بین من گۆتێ هوون نزانن چەند هێزا هاتیە سنوری و ئەگەر ئەم نەچین سپێدێ فرۆكە ب سەر مەداهێن وێ شەڤێ دەمژمێر 11 راجیمە لەقێ دا و ئەم یێ ب چاڤ دبینین و هەر وێ شەڤێ مە خوە گەهاندە سنوری و نەهێلان ئەم دەربازبین و هێلا ئەم بچینە ناڤ دەشتانێ لێ نەهێلا زێدەتر بچین و فرۆكێن ئیراقێ ل سەر سەرێ مە زڤرین و بەلاڤووك هاڤێتن و جاشا گازی مە دكر وەرنە بخوە حكمێ زاتی وەرنە بخوە حكمێ زاتی و هەر گۆتن وەرن خوە ڕادەست بكەن، بەلێ فرۆكە نەشیان رەمیێ ل مە بكەن چونكە سنور بوون.
