دیارییا مەلا مستەفایێ بارزانی دایـە بابێ من هێشتا یا ل دەف مـن پاراستی یـە
سالار محەمەد دۆسكی:
6-7
پێشمەرگەیێ شۆڕشا گولانێ ئسماعیل سادق عەزیز بێتكاری بەرواری، هێشتا گۆت: ئەم نێزیكی دو حەفتی هەتا سێ حەفتیان ماینە ل وێ دەڤەرا توركیا بوومە دەستنیشانكری و پێزانین گەهشتنە مە كو دێ لەشكرێ ئیراقێ ل گەل جاشا هێرشی دەڤەرێ كەن، و دێ هێنە مە و ئەوا چەند حفتیان ئەم لبن دار و تراشا بووین و خوارن و یا بزحمەت بوو و مە دڤیا ئەم ل وێ پرێ دەربازبینە چەلێ و لەشكرێ توركیا قەبوول نەكر، و رێك نەدا و ب هزارا خەلك ل وێرێ كومبوون و زەلام و ژنێن زیرەك هەبوو و پێكڤە چوونە جەدرما و ما دێ جەدرمە چ كەن ئێكی ب كوژن دووا و رێك هاتە ڤەكرن و خەلك دەرباز بوو و ئەم حەفتیەكێ ماینە بیادرێ و خەلكێ وێ دەڤەرێ گەلەك هاریكاریا خەلكێ مە كر ژ هەر روویەكی ڤە و گەلەك خوارن و ڤەخوارن بۆ خەلكی ئینا و ئەم پتر ژ حەفتیەكێ وەك پێشتر من گۆتی ئەم ماینە ل وێ دەڤەرێ و پشتی حوكمەتا توركیا رازیبوون ل سەر مانا مە كری ل دەڤەرێ وەك پەنابەر هرە حوكمەتێ ترۆمبێل بوومە ئینان و ئەم سوار بووین و ئەم بەرەف گەڤەرێ چووین و سێ هەیڤان ئەم ماینە ل دەڤەرا گەڤەرێ زڤستانە و چادر دامەمە و بن چادرا جەمەدا كەفتی و بەفرا دهێت و هەوایەكێ تەزی و سارمایەكا نەخوشە و خوارن و ڤەخوارن یا كێمە و نڤین نینن و دایك و بابێن من نەخوش بوون و خیشكەكا من یا بێ چارە بوو و ئەم سێ خێزان لبن دو چادرا بووین و پشتی بورینا سێ هەیڤان رێك دا و گۆت كەمپە هاتینە چێكرن ئێك ل موشێ و ئێك ل گەرڤەرێ بخوە ویێ حەز هەبیت ژی بچیتە ئیرانێ رێك پێ هاتەدان و ترۆمبێل ژی بۆ گرت و گەلەك ژ خەلكێ مە بەرەف ئاخا ئیرانێ چوون و ئەم ب ترۆمبێلا سوار بووین و كەل و پەلێن خوە مە كرنە تێدا و ئەم بەرەف كەمپا موشێ هاتین و موشێ سێ دەمژمێر ژ وانێ و دەمژمێرەكێ ژ بەدلیسێ یا دوورە و دەشتەكە و سارمایەكا مەزن لێ دروست بیت و بەفرەكا مەزن ل وێرێ دهێت و ئەم كرینە دناڤ خانیان دا بۆ خودێ دێ بێژم خەلكێ موشێ هاریكاریا مە كر.
هەمان پێشمەرگەیێ شۆڕشا گولانا پێشكەفتنخواز ئەو ژی گۆت: ئەز و سەربەست و ئەحمەد تروانشی ژ كەمپا موشێ بەرەف ئیرانێ چووین ب رێكێن نە قانوونی و مە گۆتە بەرپرسێ، ەمپێ ئەم دێ چینە گەڤەرێ هەتا رێ ب مە هاتیەدان و ئەم چووینە ئیرانێ دەڤ جەنابێ سەرۆكی، جەنابێ نێچیرڤان بارزانی، مە هەڤدوو دیتن و مە سۆحبەت دكر، ل گەل چوونا مە و رونشتنا مە ل گەل جەنابێ سەرۆكی پرسیار ژ من كر و گۆت ئەم بابێ تە چەوا یە؟ وەزعێ وێ چەوا یە؟ مە گۆت وەزعێ وێ باشە، هۆسا و هۆسا یە، دوڤدا مە خواست ئەم بچینە شنو سەرەدانا مەتا خوە بكەین، و جەنابێ سەرۆكی ژ شەوكەت شێخ یەزیدی خواست هاریكاربن ل گەل مە بۆ دیتنا مەتا مە و ئەم چووینە شنو و شەڤەەكێ ئەم مێهڤانێن محەمەد محسنی بووین و ئەم مێهڤانێن وی بووین، فراوینەكا مەزن بۆ مە چێكر، حەفت رۆژا ئەم ل وێرێ بووین و راستە چوونا مە بۆ سەرەدان بوو لێ ئەم ب كارێن حزبێ ژی چووین ورێنما و گوتارا نوی یا حیزبێ و چەندین كارێن دی و دیتنا سەركردایەتی یا حیزبێ، ل كەمپێ كارێن حزبی و ڕێكخستن هەبوون، مە كارێ رێكخستنێ دكر و مە ئالا هەبوو، ل زڤرینا مە ژ وەلاتێ ئیرانێ ل شەمدینا ئەم هاتینە دەستەسەركرن و گۆتن چەوا هوون هاتینە ڤە ب قاچاخی ئانكو رێكێن نە قانوونی؟ مە گۆتێ مە گۆتیە بەرپرسێ كەمپا خوە و ئێكسەر ئەوا پەیوەندی ب بەرپرسێ كەمپا مەكر، و ئاگەهدار كر ل سەر گرتنا مە و بەرپرسێ كەمپا مە گۆتێ ئازاد بكەن وبلا بهێنە ڤێرە ئەز دێ سەرەدەریێ و لێ پرسینێ ل گەل كەم، ئەم هاتینە ئازادكرن و بەرپرسێ كەمپێ تورك بوو و ل دەسپێكێ حەش مە نەدكر، بەلێ دەمێ سەرهلدانا سالا 1991 دروست بووی و پێشمەرگە هاتیە دهۆكێ دا و هەمی راگەهاندنا جیهانی بەحسێ سەرهلدانێ كری و رابوونا خەلكێ كوردستانێ و خەلكێ موشێ هەمی كوم ڤە بوو و مە دەست ب خوشی و دیلانێ كر و بەرپرسێ كەمپێ ئەوێ مە پێشتر گۆتی یێ نەخوش گۆت وەرە دا ئەز و تو ب رەقسین و ئەو تورك بوو و پێشتر ژی من ئاماژە پێكر بووك و مرۆڤكێ نەخوش بوو و ئالایەكێ زور كرە ستویێ خوە و ل گەل من دیلان كر و گۆت ئەڤرۆ رۆژا هەوە یە و گەلەك كەیفا من هات نوكە ژی رێڤەبەرەكێ كەمپێ هەبوو و یێ تورك بوو و هەتا نوكە من پەیوەندی ل گەل هەنە و دەمێ سەرەدانا وەلاتێ توركیا دكەم پەیوەندیێ پێ دكەم و ئەڤ پەیوەندیە هێشتا یا وی سەردەمی یە وەختێ مە سەرەدانا وی وەلاتی كری.
هەمان پێشمەرگە بەحسێ ژیانا كەمپێ كر و گۆت: نەخوشترین ژیان ل كەمپێ بوو، سەرما بوو دار نەبوو گاز نەبوو و بەفرەكا مەزن دهات، موخابراتا ئیراقێ بزاڤێن دەرمانكرنا خەلكی ل كەمپێ دكرن و هەڤال هەبوون، و سەمون دانە خەلك و حەبكێن ژەهرێ دكرنە دنا فدا و مە سەمونە نەدخارن هەتا مە پشكنینكربا و شنی مە ئەو سەمونە دخارن.
هەمان پێشمەرگەیێ شۆڕشا گولانا پێشكەفتنخواز ئەو ژی گۆت: پتریا جاران مە هەلكەفتێن نەتەوەیی ل كەمپێ ساخ كرن دیسا خەلكێ كەمپێ ل خوشی و نەخوشیان ژی دا ل گەل ئێك بوو و گەلەك پەیوەندیێن جڤاكی دروست بوون و دەوات و خوشی و دەواتێن خوش ل كەمپێ هاتنەكرن، بۆ ماوێ سالەكێ هتا سال و نیڤا كارگێریا كەمپێ نەهێلا ئەم دەركەفین بەلێ پشتی چ بوونا سەرهلدانێ ل سالا 1991 و ئەم ئازاد بووین، شیاین ب خوە كار بكەین و ژیانەكا باشتر بۆ زارۆكێن خوە پەیدا بكەین، خەلكێ مە ل هەر دو كەپێن دیاربەكر و ماردینێ دئازاد بوون، بەلێ خەلكێ كەمپا موشێ وەكی وا دخوشیێ دا و ئازادیێ دا نەبوون، هەمان دەم خەلكێ دەڤەرێ بخوە ئانكو خەلكێ مووشێ هاریكاریا مە د كر، بۆ مێژوو دێ بێژم خەلكێ مووشێ گەلەك هاریكاری د گەل مە د كر، ب راستی ژی دێ بێژم خەلكێ وێ دەڤەرێ هاریكاریەكا باش د كر، چ وەك ئازووقە، چ وەك هاریكاریا پارەی، چ دابینكرنا نڤین و بەتانی و تشتێن پێدڤی یێن ناڤ مالێ و هەمی بۆ مە د ئینان، و ئەم گەلەك سوپاسی یا خەلكێ خوە بگشتی ل باكورێ كوردستانێ و باژێرێ موشێ ب تایبەتی دكەین.
