دیار دێرسم ژ كوبانێ ڤه‌گه‌ریا و سترانا شنگالێ دێ تۆمار كه‌ت
ئه‌ڤرۆ نیۆز:
هونه‌رمه‌ندێ ب ناڤ و ده‌نگ دیار دێرسمى ژ كوبانێ ڤه‌گه‌ریا وه‌لاتێ ئه‌لمانیا پشتى چه‌ند رۆژێن دژوار و گران د پشكداریا شه‌رێ دژى داعشێ دا.
دیار دێرسمى ڤه‌گه‌ریا ئه‌لمانیا ب مه‌ره‌ما تۆماركرنا سترانه‌كێ ل سه‌ر كاره‌ستاتا شنگالێ، ژێده‌ره‌كێ نێزیكى هونه‌رمه‌ند دیار دێرسمى بۆ تۆڕ رووداو راگه‌هاند، سترانبێژێ كورد دیار دێرسمى حه‌فتیا بۆرى ل مالا من بوو، و به‌حسێ چوونا خوه بۆ كوبانێ بۆ من كریه و گۆت: ئه‌ز وه‌ك هونه‌رمه‌نده‌ك چوویمه كوبانێ و بۆ ده‌مێ چه‌ندین رۆژان من شه‌رێ دژى داعشێ كریه.
ژێده‌ره‌كێ نێزیكى هونه‌رمه‌ندى دیاركر، هونه‌رمه‌ندێ كورد نها چوویه ئه‌لمانیا ب مه‌ره‌ما تۆماركرنا سترانه‌كێ ل گه‌ل شه‌هریبانا كوردى و ئه‌یوب عه‌لى ل دۆر كاره‌ساتا شنگالێ.
ئاوازێن سترانا كوردى ژ ئالیێ هونه‌رمه‌ند و موزیك ژه‌نێ كوردێ ناڤدار كورێ باژێرێ دوهوكێ دلشاد محه‌مه‌د سعید دێ هێنه دانان.
