دیبالا دێ جهێ ئەسێنسیۆیی گریت
ئەڤرۆ
راپۆرتێن رۆژنامەڤانی دۆپاتی ل سەر بابەتێ چوونا ستێرێ ئەرجەنتینی و هێرشبەرێ رۆما یا ئیتالی پاولۆ دیبالا بۆ ناڤ رێزێن یانەیا ریال مەدرید دكەن و دێ ل جهێ یاریزانێ وێ ماركۆ ئەسێنسیۆیی گریت ئەوێ بڕیاردایی وەرزێ بهێت گرێبەستا خوە دگەل یانەیا ئسپانی نوو نەكەت.
رۆژناما سپۆرت یا كاتەلۆنی دیار كر ل حەفتیا بۆری یانەیا ریال مەدرید پەیوەندی ب یاریزان پاولۆ دیبالایی كرییە ژبۆ رازیكرنا وی بۆ ناڤ رێزێن تیما خوە دا پشتی كو راهێنەر ئەنشلۆتی داخوازا كارگێریێ كری ژبەر پێدڤییا تیمێ و پڕكرنا جهێ ماركۆ ئەسێنسیۆ.
هەمان رۆژنامێ ئەوچەندە خویاكر كو دیبالا مەرجەكێ ڤەبڕ هەیە ئەوژی دڤێت یانەیا ریال مەدرید 12 ملیۆن یۆرۆیان بۆ یانەیا ئیتالی بەرهەڤبكەت كو ئەڤچەندە نە بوویە ئاستەنگ بەرانبەری یانەیا ئسپانی ئەوا دێ بهێز هێتە دناڤ ڤەگۆهاستنا یاریزانی دا ژبەر پێدڤیا وان و دوور نینە هەتا دووماهیا ڤێ هەیڤێ ئەڤ بابەتە ئێكلابیت.
