دیۆكۆڤێچ: خەونێن من بوونە راستی و گەهشتمە هیڤیێن خوە
ستێرێ سربی و پلەدارێ ئێكێ یێ جیهانێ بۆ یاریا تێنسا ئەردی نۆڤاك دیۆكۆڤێچ ب ڕێیا قارەمانییا ئەمریكا یا ڤەكری ئێك ژ مەزنترین قارەمانیێن جیهانێ چوو د دیرۆكا خودانێ مەزنترین ناسناڤان، پشتی شیایی سەركەفتنێ ل سەر هەڤڕكێ خوە یێ رۆسی دانیێل میدڤیدیڤ ب سێ كۆما بێ بەرانبەر 6-3، 7-6 ، 6-3 خالان، د یارییا دووماهیێ دا كو دبیتە ناسناڤێ چارێ یێ مەزن د وەرزێ ئەڤ سالە دا.
دیۆكۆڤێچ یێ 36 سالی ژبلی كۆ چوویە د دیرۆكێ دا دهێتە پێشبینیكرن داهاتیێ ناسناڤێن وی زێدەتری شەش ملیۆن دۆلار دهێتە تەخمینكرن، د داخویانیەكێ دا ستێرێ سربی بۆ دەزگەهێن راگەهاندنێ گۆت: 24 ناسناڤێن مەزن ل سەر ئاستێ جیهانێ زەحمەتەكا مەزن بوو، خەونێن من بوونە راستی و گەهشتمە هیڤیێن خوە، د ژیێ حەفت سالی دا من خەون بڤان رۆژان دبرن كو ئەز ببمە باشترینێ جیهانێ، هێشتا من شیانێن ماین لێ كەیفخوەشم ئەوا من دڤیایی ئەز گەهشتیمێ.
