دێوالى حه‌مێ بریندار: ئه‌ڤ ساله بلا خه‌لك ل مه ببوریت
ئه‌ڤرۆ نیوز، ناجی به‌ده‌ل:
دێوالی حه‌مێ بریندار رێڤه‌به‌رێ گشتیێ سه‌خبێریكرنا رێك و پران ل پارێزگه‌ها دهۆكێ بۆ ئه‌ڤرۆ نیوز راگه‌هاند:سه‌رمایا ئه‌ڤ ساله یا جودایه ژ یا پار و مه به‌رهه‌ڤیێن پێدڤی كرینه بو سه‌خبێریكرن و رامالینا جاده‌یان ژ به‌فر بارینێ داكو هاتنوچونا وه‌لاتیان ب ئاسایی برێڤه بچیت و گوت : دبیت وه‌ك سالێن چویی نه شێن خزمه‌تا وه‌لاتیان بكه‌ین ژ به‌ر مژۆلبونا مه ل گه‌ل پێشمه‌رگه‌ی و خزمه‌تكرنا مه ل به‌رۆكێن شه‌ری، لێ لگوری شیانان ناهێلین ب چو شێوه‌یه‌كێ رێ بهێنه گرتن و ئه‌گه‌ر كێماسیه‌ك ژی هه‌بیت بلا خه‌لك ل مه ببوریت.
دێوالی حه‌مێ بریندار ئه‌و چه‌نده ژی دیاركر كو د ئه‌ڤ ساله دا 7 تیمێن رامالینا به‌فرێ و سه‌خبێریكرنا جاده‌یان پێك ئیناینه كو ل گه‌لیێ زاخو و كانی ماسێ و بێگوڤا و سه‌رسه‌نگی و سیاره‌تیكا و زاویته و ئامێدیێ دێ د كارى دابن.
ناڤبری ئه‌و چه‌نده ژی دیاركر كو پێدڤیێن وان یێن ئه‌ڤ ساله وه‌ك هه‌ر ساله‌كا دی نینه ، ژبه‌ر كو ئامێر و پێدڤیێن كارێ پتری 80% ل به‌رۆكێن شه‌ری نه بو خزمه‌تا ئێمناهى و ئاسایشا هه‌رێمێ، مل بملێ پێشمه‌رگه‌ی دانه بو رێخوشكرنا به‌ره‌ڤانیكرنێ.
دێوالی گوت ژی: دبیت وه‌ك سالێن چویی نه شێن خزمه‌تا وه‌لاتیان بكه‌ین ژ به‌ر مژۆلبونا مه ل گه‌ل پێشمه‌رگه‌ی و خزمه‌تكرنا مه ل به‌رۆكێن شه‌ری، لێ لگوری شیانان ناهێلین ب هیچ چو شێوه‌یه‌كێ رێ بهێنه گرتن و ئه‌گه‌ر كێماسیه‌ك ژی هه‌بیت بلا خه‌لك ل مه ببوریت.
