دەرهێنەرەكێ كورد خەلاتەك ل بەغدا وەرگرت
رەمەزان زەكەریا
كورتە فلمێ دۆكیۆمێنتاری (ئەم تالاوەكانین) كو ژ دەرهێنانا سینەماكارێ كورد (دەرسیم حەسەن) ە، شیا خەلاتەكێ گرنگ بۆ گەهاندنا دەنگێ ئاكنجیێن ئەهوارێن باشوورێ ئیراقێ ب دەستڤە بنیت.
دەرهێنەرێ وی كورتە فلمی بۆ رۆژنامەیا ئەڤرۆ گۆت: فلم بزاڤێ دكەت دەنگێ ئاكنجیێن ئەهواران و هیڤیی و ئۆمێدێن وان بۆ زڤڕینا ژیانێ و گەشەپێدانا دەڤەرێ بگەهینیتە جیهانێ، كو وەرگرتنا خەلاتی پێنگاڤەكا زۆر گرنگ بوو بۆ ناساندنا ئاریشەیێن ژینگەهی و مرۆڤی یێن ئەهوارێن ئیراقێ د ڕێیا هونەرێ سینەمایێ ڤە.
ناڤبری گۆتژی: كورتە فلم شیا خەلاتێ مارشز ڤۆیس ئەوارد (Marshes Voice Award) د پشكا دۆكیۆمێنتارییا كورت دا د بەریكانا پروو یەنگ ئایز (Through Young Eyes – د چاڤێن گەنجان دا) دەستڤە بینیت، فلم چیرۆكا زەلامەكێ دانعەمرە یێ ئاكنجیێ ئەهوارێن باشوورێ ئیراقێ ڤەدگێریت و ب كووری رۆناهیێ ددەتە سەر كاریگەرییێن هشكەسالیێ و كێمبوونا ژێدەرێن ئاڤێ ل سەر ژیانا خەلكێ وێ دەڤەرێ.