دەزگەهێ خێرخوازی یـێ بارزانـی خیڤەتێن نوو ل دو كەمپێن زاخـۆ بەلاڤكرن
زاخۆ، دلۆڤان هالۆ:
محەمەد مەهدی، بەرپرسێ نڤیسینگەها زاخۆ یا دەزگەهێ خێرخوازی یێ بارزانی بۆ ڕۆژناما ئەڤرۆ دیاركر كو دەزگەهێ خێرخوازی یێ بارزانی ب هەڤكاری ل گەل كۆمسیۆنا بلند یا نەتەوێن ئێكگرتی، خیڤەتێن نوو ل كەمپا بێرسڤێ و كەمپا باجد كەندالا ل سنۆرێ ئیدارەیا سەربخوە یا زاخۆ بەلاڤكرن.
بەرپرسێ نڤیسینگەها زاخۆ یا دەزگەهێ خێرخوازی یێ بارزانی گۆت:»زێدەباری بەلاڤكرنا خیڤەتێن نوو ل هەردو كەمپێن زاخۆ، چەندین خیڤەت ل كەمپا خانكێ ل سنۆرێ پارێزگەها دهۆكێ ژی هاتنە بەلاڤكرن».
گۆت ژی: «ئەو خێزانێن ژ ڤان خیڤەتێن نوو مفاداربووین پێنج هزار و 85 خێزان بوون، ل سەر ئاستێ هەرسێ كەمپان، ئەڤ هاریكاریە ب مەرەما پشتەڤانیكرنێ بوویە ل خێزانێن ئاوارە و باشتركرنا ڕەوشا ژیانا وان و دابینكرنا پێدڤیێن سەرەكی یێن ژیانا وان».
