دەزگەهێ خێرخوازی یێ بارزانی و وەزارەتا پێشمەرگەی هەوەكا نیشتمانـی دژی ماددەیێن هۆشبەر دەست پـێ كـر
دهۆك، دلۆڤان ئاكرەیی:
سەرۆكێ دەزگەهێ خێرخوازیێ بارزانی دیاركر، دەزگەهێ خێر خوازیێ بارزانی و وەزارەتا پێشمەرگەی هەوا بنبڕكرنا دیاردەكا مەترسیدار دەستپێكریە ژ پێخەمەت ب هێزكرنا هەماهەنگیێ د ناڤبەرا سازیێن فەرمی و مرۆڤایەتی دا، ئێكەمین چالاكیا خۆ یا هەڤپشك دەستپێكر، د قووناغا ئێكێ دا، خولەكا ڕاهێنان و هشیاریێ بۆ هەژمارەكا ئەفسەرێن سەر ب وەزارەتا پێشمەرگەی ڤە هاتە ڤەكرن، ئارمانجا سەرەكی، ئاشناكرنا ئەفسەرانە ب مەترسیێن مەزن یێن ماددەیێن هۆشبەر ل سەر ئاستێ تاك و جڤاكی، ل گەل دیاركرنا ڕێكارێن زانستی و سەردەمی بۆ بنبڕكرنا ڤێ دیاردەیا مەترسیدار.
موسا ئەحمەد، سەرۆكێ دەزگەهێ خێرخوازیێ بارزانی بۆ رۆژنامەیا ئەڤرۆ گۆت: «ئەڤ هەوا نیشتمانی ژ لایێ بەرپرسیاریا هەڤپشك یا هەردو لایان دهێت بۆ پاراستنا شیرازێ جڤاكی و پاراستنا ساخلەمی و ئاسایشا وەلاتیان و هێزێن پێشمەرگەی، ب وی ئومێدی كو بشێین ب هەڤڕا بەرەڤ جڤاكەكێ ب هێز و ساخلەم گاڤان ب هاڤێژین».
