دەست ب قێركرنا پڕۆژەیێ جۆتسایدێ باعەدرێ – شێخان هاتە كرن
دهۆك، لەزگین جۆقی:
دەست ب قێركرنا پڕۆژەیێ جۆتسایدێ باعەدرێ بۆ شێخان هاتە كرن، كو پڕۆژە ب گوژمێ 15 ملیار دیناران و ب درێژاهییا هەشت كیلۆمەتران دهێتە بجهئینان.
سەمیر، سەرپەرشتێ پڕۆژەیێ جۆتسایدێ باعەدرێ بۆ شێخان دیار كر كو ئەڤ پڕۆژەیە ئێك ژ پڕۆژەیێن گرنگ یێن ڤەگوهاستنێ ل سنۆرێ پارێزگەها دهۆكێ و «ئامارنج ژ پڕۆژەی كێمكرنا قەرەبالغییێ و ئاسانكاریێن هاتنوچوونێ یە».
گۆت ژی: «كار ل سەر پڕۆژەی بەردەوامە و بێ كێشە ب ڕێڤە دچیت، ئەڤ پڕۆژە دێ بیتە ئەگەر رێكا شێخان بۆ دهۆكێ گەلەك كورت بیت، نوكە پڕۆژە د قووناغا چێكرنێ دایە، ئەڤ پڕۆژە یێ جودایە ژ پڕۆژەیێ رێكا باعەدری بۆ ئێتیتێ«.
