دەست ب هەوەكا بەرفرەهـ یا نووژەنكرنا جادە و كۆلانێن ئاكرێ هاتە كرن
رەمەزان زەكەریا:
سەرۆكاتیا باژێرڤانیا ئاكرێ ب هەماهەنگی و دووڤچوونا ڕاستەوخۆ یا دەڤەرداریا ئاكرێ، دەست ب هەوەكا بەرفرەهـ یا سەخبێریكرن و نووژەنكرنا جادەیێن ناڤەندا باژێڕی كر.
زێرەڤان تەمۆ، پەیڤدارێ سەرۆكاتیا باژێرڤانیا ئاكرێ بۆ ئەڤرۆ گۆت: «ئەڤ هەوا قێركرنا جادە و كۆلانێن ئاكرێ، كو ژ لایێ تیمێن ئەندازیاری و تەكنیكی یێن باژێرڤانیێ ڤە دهێتە ب رێڤەبرن، ب مەرەما كێمكرنا ئاریشەیێن هاتنوچوونێ و خزمەتكرنا زێدەتر یا وەلاتیانە».
ناڤبری گۆت ژی: «چێكرنا ئەو جهێن جادەیێ، كو ب ئەگەرێ بارانێ یان كاركرنێ تێكچووینە و نۆژەنكرنا ئەو پشكێن جادەیێن سەرەكی كو زیانێن مەزن پێ گەهشتینە پلان هاتیە دانان كو ئەڤ پڕۆسەیە ب قووناغ هەموو گەڕەكێن باژێڕی ڤەگریت، دیسا ئەڤ كارە پشكەكە ژ كارنامەیا باژێرڤانیێ بۆ جوانتركرنا سیمایێ باژێڕی و گەهاندنا خزمەتگوزاریێن دەستپێكی بۆ هەر مالەكێ و كۆلانەكێ بێی جوداهی».
