دەست ب ڤەگوهاستنا بنگەهێن دەنگدانـێ هاتیە كرن
سندس سالح سلێڤانەی:
سەرۆكێ دەستەیا هەلبژارتنێن هەرێما كوردستانێ ل كۆمسیۆنا بلند یا سەربخۆ یا هەلبژارتنێن ئیراقێ ڕاگەهاند، دەرگەهێ گوهۆڕینا بنگەهێن دەنگدانێ ژ بنگەهەكی بۆ بنگەهەكێ دی هاتییە ڤەكرن و دبێژیت: هەر دەنگدەرەكێ بڤێت بنگەهێ خۆ یێ دەنگدانێ ب گوهۆڕیت، دشێت سەرەدانا بنگەهێن كۆمسیۆنا هەلبژارتنان بكەت.
نەبەرد عومەر، سەرۆكێ دەستەیا هەلبژارتنێن هەرێما كوردستانێ ل كۆمسیۆنا بلند یا سەربخۆ یا هەلبژارتنێن ئیراقێ گۆت: «گوهۆڕینا بنگەهێ دەنگدانێ ب تنێ د چارچۆڤێ ئێك پارێزگەهێ دایە و دەنگدەر نەشێت بنگەهێ خۆ یێ دەنگدانێ ژ پارێزگەهەكێ بۆ پارێزگەهەكا دی ب گوهۆڕیت».
