دەمژمێرا داوی
مەسعود خەلەف
د بیرئانینێن تە دا ئاڤژەنی دكەم
دڤەگەرم ل تە، دبۆرم و دچم،
ژ هاڤینێن تە، چلە و نامەیێن تە دەرباس دبەم،
د فەرهەنگا پەیڤێ دا
د كۆلان و نەقەبێن هەوشێ دا
د چیرۆكێن هێسرێن داپیرێ دا
ل كەڤیكێن باژێر دا
و د دەمژمێرا داوی دە ژ رۆژئاڤابوونێ
دلێ تە ب سەر زوهابوونا خەریبیەكە كامباخ دا دگوڤێشم
شەڤستانێن تە ب دەڤداوێن خفتانەكی كوردی ڤە دخرخرن
گیانێ تە، گولێن تە، وەكی دارتوەكە تێهنی،
د قراخێن ڤی گیانی دا، د بیابانێن ڤی لەشی دا،
دوماهیك رۆمانا ڤێ ژیانێ دنڤیسن.
