دەنگێ قەیرانا وژدانێ
خورشید تەوفیق باکۆزی
ئەڤ دەنگێ هە..!
نە دەنگێ دەنگڤەدانا ئاشۆتەکا زناری نە و
نە ژی دەنگێ پیک و دۆدکا شڤانانە
نە گۆڤەندە و نەدیلانە و نە نارینک وتلیلی نە
ئەڤە دەنگێ قوربانییێن
قەیدا قەیرانێن وژدانێ و قەیدا قەیرانێن وێرانە
قوربانییێن نەوەکهەڤی و دۆژا گەرما
بێدادییێ و بێکارییێ و گەندەلییێ نە
ئەڤە گەنجێن وەلاتی نە
ژ وەلاتێ خوە
ژ چیا و باغ و وارگەهێن خوە کۆچبەردبن
بەرەڤ ڕێکێن نەدیار و هاڤی دچن
ئەڤە خورتن، ئایندەنە
نفشێ شەیدایێن شرۆخە و کالک و گۆرە و
چانتکێ گەرمێ ئازادییێ نە
ئەڤێ دایکا گۆپالێ وێ ل دەستی د هژیێت
ئەڤان خورتێن داخێن دەمی
خەون و هیڤی لێ هنگافتین
نە شەیدایێن بەژنوبالا دوورکەفتن وبێوارییێ نە
بەلێ نەشێن هەتا داوییێ مەشکا ژانێن ژیانێ بکێن..
ئەڤان خورتان و ئەڤان گەنجان
مرۆڤاتی و کار و وژدان و ماف دڤێن
دادی دڤێن… دادی دڤێن…
