د ئێك یاری دا هالاندی حەفت نمرەیێن نوو تۆماركرن
ئەڤرۆ
ستێرێ نەرویجی و یانەیا مانچستەر ستی یا ئنگلتەرایێ ئیرلینگ هالاند ب تۆماركرنا دو گۆلان د یاریا بۆری یا خولا پرێمەر لیگ دا شیا حەفت نمرەیێن نوو د ئێك یاری دا تۆماربكەت، ئەوا ل شەمبیا بۆری بەرانبەر ساۆسامبتۆن ژ گەڕا 30 ب چار گۆلان بەرانبەر گۆلەكێ سەركەفتین و هژمارا گۆلێن خوە گەهاندە 30 گۆلان ب سەركێشیا گۆلكەران دهێت.
ئەو حەفت نمرەیێن هاتینە تۆماركرن ئەوژی، یا ئێكێ هالاند هاتە هژمارتن لەزترین هێرشبەر د دیرۆكێ دا د30 یاریان دا 30 گۆل تۆماركرن، یا دویێ وەكو یاریزانێ سێیێ د خولێ دا شیایە 30گۆلان تۆماربكەت وەكو یاریزانەك جارا ئێكێ پشكداری خولێ بوویە، یا سێیێ هالاند ئێكەم یاریزانە د هەرپێنچ خولێن مەزنە ئۆرۆپا دا ڤێ هژمارا گۆلان تۆماربكەت، یا چارێ یاریزانێ ئێكانەیە بشێت30 گۆلان تۆماربكەت پشتی محەمەد سەلاحی خودانێ 32 گۆلان د وەرزەكی دا و هێشتا دەلیڤە بۆ هالاندی مایە نمرێ ژی بشكێنیت، یا پێنجێ هەتا نوكە شیایە نمرێن هەردو ستێران محەمەد سەلاح و ڤان نێستلرۆی ئێكسانە بكەت ب تۆماركرنا 44 خالان د هەموو قارەمانیان دا و دەلیڤە بۆ شاندنا نمرێ ژی مایە، یا شەشێ زێدەتر ژ یانەیا چێلسی گۆل تۆماركرینە ئەوێن 29 گۆل تۆماركرین، یا حەفتێ د كاروانێ وی یێ پیشەكاری دا 200 گۆل تۆماركرینە د هەموو قارەمانیان دا.
