د ئەڤ سالەدا (١٤٠٠) روودانێن ئاگربەربوونێ ل سنۆرێ پارێزگەها دهۆكێ هاتینە تۆماركرن
سندس سالح سلێڤانەیی
بەرپرسێ راگەهاندنا رێڤەبەرییا ئاگرڤەمراندنێ ل پارێزگەها دهۆكێ دیار كر كو ل دەستپێكا ئەڤ سالە هەتا نوكە (1400) روودانێن ئاگرڤەمراندنێ ل سنۆرێ پارێزگەها دهۆكێ هاتینە تۆماركرن و زیان د جۆرا و جۆر بووینە.
عەقید (بێوار عەبدولعەزیز) بەرپرسێ راگەهاندنا رێڤەبەرییا ئاگرڤەمراندنێ ل پارێزگەها دهۆكێ گۆت: ل دەستپێكا هەیڤا ئێك هەتا نوكە (1400) روودانێن ئاگربەربوونێ كو دجۆراو جۆرن ل رێڤەبەرییا مە هاتینە تۆماركرن، كو پتریا وان پیش و پەلەخ و پرێزن، هندەك ژوانژی سۆتنا گەنمی یە، لەورا گەلەكا پێدڤیە جۆتیارێن مە دهشیاربن و (هێلێن ڤەبڕ) چێكەن دا ل دەمێ ئاگر بەربوونێ زوو بشێن كونترۆلێ ل سەر بكەن و نە هێلن ئاگر بەربەلاڤ بیت و بۆ ڤێ مەرەمێ مە وەك رێڤەبەریا ئاگرڤەمراندنێ بەرهەڤیەكا باش كریە، لێ دڤێت جۆتیار و خەلكێ دەڤەرێ ژی دگەل مە دهاریكاربن، هەروەسا بۆ زانین مە هەماهەنگیەیا باش دگەل رێڤەبەریا پۆلیسان و پۆلیسێن دارستانێ هەیە و هەكە ئەم بزانین ئێكی ب (ئەنقەست) ئاگر بەردایە جهەكی ل وی دەمی دووفچوون بۆ دهێتە كرن و ل دووف یاسایێ سەرەدەری دگەل دهێتە كرن.
