د روودانەكێ دا 19 كرێكار ل ئاكرێ برینداربوون
ئاكرێ، رەمەزان زەكەریا:
ل سنوورێ دەڤەرداریا ئاكرێ ژ ئەنجامێ وەرگەڕیانا پاسەكا كرێكاران، هەژمارەكا كرێكاران برینداربوون.
رێكەفت زهێر، ژ رێڤەبەریا هاتنوچوونا ئاكرێ بۆ ئەڤرۆ گۆت: «دهی 29/7/2023 ل سنوورێ دەڤەرداریا ئاكرێ، ژ ئەنجامێ روودانەكێ ژ جۆرێ وەرگەڕیان 19 كرێكار برینداربوون».
ناڤهاتی گۆتژی: «ئەو پاسە ل سەر رێكا سەرەكیا ئاكرێ بۆ گوندێ سمێلان وەرگەڕیا، 23 كەس تێدابوون، ژ وان 19 برینداربوون، ژ وان 10 ئافرەت بوون و نەه ژی زەلام بون و ب مەرەما وەرگرتنا چارەسەریێ بۆ نەخۆشخانا تەنگاڤیان ل ئاكرێ هاتنە هنارتن».
