د. سالار عوسمان سـەرەدانا دەزگەهـێ چـاپ و بەلاڤكرنێ یێ موكریانی دكەت
د. سالار عوسمان، بەرپرسێ پشكا ڕەوشەنبیری و ڕاگەهاندنا پ. د. ك، دوهی 5/7/2026 ب هەڤالینیا هەژمارەكا ئەندام و هەڤالێن پشكێ و ب مەرەما پیرۆزباهیا 26ەمین سالیا دامەزراندنا وی، سەرەدانا دەزگەهێ چاپ و بەلاڤكرنێ یێ موكریانی كر.
د دیدارەكێ دا، د. سالار عوسمان، دەستخۆشی ل سەرپەرشتیار و هەموو ستافێ دەزگەهی كر، دیسا ڕۆلێ دەزگەهێ موكریانی وەكو ناڤەندەكا پێشەنگ د خزمەتكرنا پرتووكخانەیا كوردی و گەشەپێدانا بزاڤا ڕووناكبیری بلند هەلسەنگاند.
د. سالار دوپاتی ل گرنگییا بەردەوامییا دەزگەهێ ناڤهاتی كر د ئەركێن وی یێن نیشتمانی و ڕەوشەنبیری دا بۆ زەنگینكرنا د هزر و ئەدەبێ كوردی، هیڤیا سەركەفتنا زێدەتر د كارێن وی یێن داهاتی دا بۆ خواست.
