د. سالار عوسمان سەرەدانا پێشانگەها ئێكێ یا پرتووكێن كـوردی كـر
د. سالار عوسمان، بەرپرسێ پشكا ڕەوشەنبیری و ڕاگەهاندنا پ. د. ك، ب هەڤالینیا هەژمارەیەكا هەڤالێن پشكێ، ل رۆژا 6/6/2026 سەرەدانا پێشانگەها ئێكێ یا پرتووكێن كوردی لسەر ئاستێ كوردستانێ ل ژێر ناڤونیشانێ «بەكوردی نووسین و بەكوردی هزرین» كر.
د چارچۆڤێ سەرەدانێ دا و گەڕیان د ناڤ پشكێن جودا یێن پێشانگەهێ دا، ژ نێزیك ڤە ل گەل هەژمارەیەكا دەزگەهێن چاپ و بەلاڤكرنێ و ناڤەندێن رەوشەنبیری یێن پشكدار د پێشانگەهێ دا دانوستاندن كرن و دەستخۆشی ل ڕێكخەرێن پێشانگەهێ كر بۆ ڕەخساندنا وی سەقایێ كولتووری.
جهێ ئاماژە پێ كرنێ یە، د پێشانگەهێ دا، دەزگەهێ چاپ و بەلاڤكرنێ یێ موكریانی یێ سەر ب پشكا ڕەوشەنبیری و ڕاگەهاندنا پ. د. ك ڤە ب سەدان ناڤونیشانان د بیاڤێن (سیاسی، زانستی، مێژوویی و ئەدەبی و هونەری) پێشوازیێ ل خواندەڤانان دكەت.
