د سەماكرنێ دا هەست ب وەستیانێ ناكەت
هەرهین محەمەد:
ژیكار لوقمان، ئەنداما تیپا هەولێرێ یا هونەرێ مللی، دیدارەكێ دا بۆ رۆژناما ئەڤرۆ گۆت: ئەڤە هەژدە سالن كارێ سەمایێ دكەم د تیپا هەولێرێ دا و هەر جهەك و باژێرەكی سەمایێن گرێدای خوە هەنە و مە ژی وەكو دەشتا هەولێرێ گەلەك جۆرێن سەمایێ گرێدای خوە هەنە وەكو سپێ و چۆپی و سوسكەیی و ب سەماێن خوە مە گەلەك تابلۆ ژی دروستكرینە و مە تابلۆ هەنە دەربڕینێ ژ سرۆشتێ مە دكەن و دیسان مە تابلویێن ئستعرازی ژی هەنە.
هەروەسا گۆت: پشتی فەستیڤالا سەمایێ ل دهۆكێ هاتیە گێران مە گەلەك مفا ژێ دیت و مفایێ ژ هەموویان مەزنتر ئەو بۆ مە جلو بەرگ و سەمایا هەر دەڤەرەكێ مە دیت و مە هزرێن جوان ژئێك و دو گرتن و د سەماكرنێ چو جاران من هەست ب وەستیانێ نەكریە هەكە چەند دەمژمێران ژی بیت و چو جاران من ل بەر نینە سەمایێ بهێلم، چونكو ل گەل دژیم.