د. عەلی محەمەد: سیستەمێ هەڤڕکییان هاتیە گوهۆڕین و ئەرکێ زاخۆ ب زەحمەت نینە
شاهۆ فەرید:
ب فەرمی فدراسیونا باسکێت بۆلا ئیراقێ پشکێشانا خولا پێشەکاران بۆ وەرزێ ئەنجامدا ئەوا ١٢ یانە پشکدارن و لسەر دو کومان هاتینە بەلاڤکرن، کوما ئێکی, زاخۆ، عومال نەینەوا, دیفاع ئەلجەویە، غازا ئەلشیمال, نەفت ئەلشیمال و سابێس، کۆما دویێ, دیجلە ئەلجامعە, نەفت میسان, کارەبا، حللە، ئەلیەقەزە و حەشدا شەعبی، دێ یاریێن قووناغا ئێکی ژ١٢ هەتا ١٦ ئەڤی مەهێ هێنە ئەنجامدان، کۆما ئێکی دێ یاریێن خوە ل باژێرێ کەرکووکێ ئەنجامدەت و یا دویێ ل بەغدا هێتە کرن.
ل دۆر ڤێ یەکێ د داخویانیەکا تایبەت دا د. عەلی محەمەد ئەندامێ فدراسیونا باسکێت بۆلا ئیراقێ بۆ رۆژنامەیا ئەڤرۆ گۆت: پشککێشان ب شێوەکی دادپەروەرانە هاتە ئەنجامدان، نوونەرا مە زاخۆ دشین بێژین کەڤتیە دکومەکا ب ساناهی دا دێ شێت خوە دەربازبیتە قووناغا بهێت، بهیڤیا وێ چەندی ئەنجام و هەڤرکیەکا باش بکەت.
ژلایەکێ دووڤە ناڤهاتی گۆت: دانانا شێوازێ نوو یێ خولێ ژبەرکو ماوەکە خول یا ڕاوەستیایی بوو، وەکۆ دەستەکا نوو یا فدراسیۆنی مە نەڤیا وەرزی ئەڤسالە ب هەلوەشینین و بڕیاردا بەردەوامیێ هاتە دان کو لدووڤ شێوازێ دو کومان دا بشین بلەز دووماهیک بهێت، دەمەکی باش بەرامبەر تیمن دی هەبیت خوە بەرهەڤبکەن بۆ وەرزی نوو ٢٠٢٦ – ٢٠٢٧، ئەڤ سالە هەر یانەیەکێ مافی هەی چار یاریزانێن پێشەکار بۆ ناڤ رێزین تیمێ ڤەگوهێزیت بۆ هێز ئێخستنێ و بلندکرنا ئاستێ.
هەروەسان د. عەلی محەمەد گۆت: بزاڤێن مە د بەردەوامن ل گەل نوونەرێن یانەیان یێن پارێزگەها دهۆکێ و کوردستانێ بۆ وەرزی بهێت مە پتر ژ یانەیەکێ هەبیت پشکداربیت، یاریزانێن خودان شیان و هێز مە ناڤا ئەڤێ یاریێ هەنە ئەڤێ خولێ پشکدارن ل گەل یانەیێن دی، دووبارە یارییا باسکێت بۆلێ گەشکەینە ڤە جەماوەری ئەڤی یارێی بێ بەهرنەبیت ژ دیتنا تیم و یاریان.
