د مەدیایا كوردی دا غەدر ل ئافرەتان دهێتەكرن
شاكر ئەتروشی:
مەدیاكار(دالیا سابر) كو خەلكا باژێرێ هەولێرێ یە و نوكە ل مالپەرێ (واگۆن) كار دكەت، د دیدارەكێ دا بۆ رۆژناما ئەڤرۆ گۆت: د مەدیایا كوردی دا غەدر ل ئافرەتان دهێتەكرن و سەرەدەریەكا نەیا شرین ل گەل دهێتەكرن و سڤكایەتی پێ دهێتەكرن و ب دەهان تشتێن خراپتر ل بەرانبەر دهێتەكرن، ئەڤە ژی هەر خەتایێن خانمان ب خوەنە كو د میدیایا كوردی دا تووشی ئەڤان رەفتار و كریاران دبن ب گەرێ هندێ كو وان دڤێن بەردەوام ببن و هندەكان ژی ب هۆیێ نەزانینی ڤە و پشكەك ژ وان ژی پەیوەندی ب هندێ ڤە هەیە كو سەرنڤیسەر و رێڤەبەر و بەرپرسێن سازیێن كوردی ل ڤی وەلاتێ مە خەلكی نالەبار بوو ژیانا وان ب داخ و هەژاری بوو، پەیوەندی ژی ب هندێ ڤە هەیە كو خەلكەكێ نەزان حەزكرن تەڤلی كارێ میدیای ببن، دڤێن ب رەخ میدیایێ سێكسی و سڤكایەتیێ ب ژن و كچان بكەت، بەلێ رۆژنامەنڤیس و میدیایا راستەقینە ژی ئەوە كو ب باشی برێڤەدچیت و كار بكەن، بەلێ ئەو تشتێن مە گۆتین ژی بەشەكێ خەتایان ژ ئافرەتانە و بەشێك ژی پەیوەندی ب سەرنڤیسەر و رێڤەبەران ڤە هەیە.
هەروەسا گۆت: د میدیا كوردی دا، كێشەییا مەزن یا هەی، بەشەك ژ میدیایان كچان بكاردئینن بۆ هندێ ببنە ڕێڤەبەر، ئەو ژی ژ بەر جوانیا وان یان ژ بەر هندێ كو كەسەكا ڤەكریە، ئەوێ ژی كاریگەری ل سەر بەرائەتا كەنالی یە دڤێت چارەیا ڤی بابەتی دڤێت د میدیایان دا خەلكێ پرۆفشنال و پیشەیی و ئەكادیمی دا بنن ئەو كچ ژی كو ل جهەكی كار دكەن د ڤان میدیایان دا دڤێت قەبوول نەكەن ژ بەر جوانی و ماددەی كو كێشە بۆ وان دروست ببن.
