د. هەكار برقی: پلان بۆ پلیتا دەربازبوونێ هاتیە دانان
شاهۆ فەرید:
د داخویانیەكا تایبەت دا د.هەكار برقی راهێنەرێ تیما ڤۆلی بۆلا یانەیا سەنحاریب بۆ رۆژنامەیا ئەڤرۆ دیاركر بۆ ماوەیێ مەهەك و15 رۆژن بوون مە بەرهەڤیێن ڤاڤارتنا دەستپێكرین ژبۆ بدەستڤەئینانا پلێتا دەربازبوون بۆ نایابا ئیراقێ ل سەر ئاستێ كچان.
زێدەتر ناڤهاتی گۆت: ل دووڤ پلانا مە ڕژدین د ڤاڤارتنان دا پلێتا دەربازبوونێ بدەستڤەبینین دووڤدا بەرنامە بۆ خولێ بهێتە دانان، بۆ پێكهاتێ تیمێ شەش یاریزان ژ دەرڤەیێ دهۆكێ هاتینە و یێن دی هەموو كچێن باژێری نە، یاریزانەكا مە باشترینا ئیراقێ یە و هەلبژارتیێ ئیراقێ یە، دگەل دەستپێكرنا ڤاڤارتنان مە جەنگێ شەڕی بۆ هەڤڕكییا پلێتەكا دەربازبوونێ ڕاگەهاندییە و هەموو یاریزانێن مە گەشبینن و ڕژدن ب گەهینە ئارمانجا خوە، كارگێریا یانەیا سەنحاریب هەمی لایەكێ ڤە هاریكار و پالپشتیا مە دكەت، مە هەمیا ئێك ئارمانج هەیە ئەو ژی سەرخستنا تیمێ یە و پلان هاتینە دانان.
بۆ زانین دوهی ل پارێزگەها هەلەبچەیا شەهید دەست ب هەڤڕكییان هاتییە كرن ئەو ب پشكدارییا 10 یانەیان و هاتینە بەلاڤكرن ل سەر دو كۆمان، كۆما ئێكێ پێكهاتیە ژ، ئەكاد، قەرەقۆش، ئەمانەت بەغدا، موعەلمین، تەق تەق، كۆما دویێ پێكهاتییە ژ، سەنحاریب، ئەفرۆدێت، دەربەندیخان، هەلەبچە و شۆرجە، سێ تیم ژ هەر كۆمەكێ دێ دەربازبنە خولا پلا نایابا ئیراقێ و بڕیارە پشتی بۆرینا مەهەكی خولا نایاب ژی بهێتە كرن.
