د. یه‌لماز ئۆزدل: دهۆك یا بوویه لاندكا سینه‌ما كوردی
دهۆك، زنار تۆڤی:
ده‌رهێنه‌ر (د. یه‌لماز ئۆزدل) د دیداره‌كێ دا بۆ رۆژناما ئه‌ڤرۆ گۆت: هه‌كه مرۆڤ ل كورته دیرۆكا سینه‌ما كوردی بنێریت، دێ بینیت كو فلمه فیسته‌ڤالا دهۆكێ، ئێك ژ گرنگترین فیسته‌ڤالان بوو كو شییای
ده‌رهێنه‌ر و ئه‌كته‌رێن كورد ل فیسته‌ڤاله‌كێ كۆم بكه‌ت، هه‌روه‌سا فلمه فیسته‌ڤالا دهۆكێ بوویه په‌نجه‌ره‌ك ل سه‌ر راستییا كوردان و بوویه ناسنامه‌ك ل سه‌ر حه‌زا كوردان بۆ هونه‌ری، دیسان ژ ئالییێ رێكخستنێ و ناڤه‌رۆكێ و شێوازێ برێڤه‌چوونێ و هێزا خوه یا هونه‌ری ڤه، فلمه فیسته‌ڤالا دهۆكێ بوویه ئێك ژ گرنگترین فلمه فیسته‌ڤالێن سینه‌مایی ل رۆژهه‌لاتا ناڤین.
هه‌روه‌سا گۆت: پێدڤیه ئه‌م گرنگییه‌كا زێده‌تر ب چێكرنا فلمێن كوردی بده‌ین، د نوكه دا دهۆك یا بوویه لاندكا سینه‌ما كوردی و چاڤێ هه‌موو سینه‌ماكارێن كورد ل فلمه فیسته‌ڤالا دهۆك یا نێڤده‌وله‌تی یه.
