د5 مەهان دا ئیرانێ نێزیکی دوسەد کەس ل سێدارە داینە
ئەڤرۆ
رێکخستنا مافێن مرۆڤی یا سەر ب نەتەوەیێن ئێکگرتی راگەهاند، ئیرانێ د ناڤ 5 مەهان دا 194 کەس ل سێدارە داینە، کو پڕانیا وان ژی چالاکڤانێن مافێن مرۆڤی بووینە، رێژەک ژ وان کەسان ژی ئەو بووینە یێن پشکداری د خوەنیشادانێن ڤێ دووماهیێ دا کری، ئەو یەک ژی نیشا ددەت ئیران رێزێ ل مافێن مرۆڤی ناگریت و سێدارەدانا رێژەکا وەسا زێدە ژ چالاکڤانان کارەساتەکا مەزنە و دڤێت سازیێن جیهانی ل هەمبەر بنپێکرنا مافێن مرۆڤی ل ئیرانێ بێدەنگ نەمینن.
ل ئالیێ دی رێکخستنا مافێن مرۆڤی یا رۆژهەلاتێ کوردستانێ ژی راگەهاند، پشتی خوەنیشادانێن ڤێ دووماهیێ ئیرانێ ب دەهان چالاکڤانێن کوردی ل سێدارە داینە و ئەو یەک ژی نیشا ددەت دەستهەلاتا نها یا ئیرانێ رێزێ ل ماف و داخوازیێن خەلکی ناگریت، چونکی ژ بلی کوردان گەلەک چالاکڤانێن عەرەب، بەلوچی و نەتەوێن دی ژی هاتینە دەستەسەر کرن و سزایێ سێدارەدان ل سەر وان هاتینە سەپاندن.
