راپ ژ هەموو ستایلێن سترانان ب زەحمەترە
بێوار حەمدی:
سترانبێژ (رەڤەند سەباح) كو ئەڤە بۆ دەمێ پتر ژ دەه سالانە سترانێن راپێ دبێژیت، د دیدارەكێ دا بۆ رۆژناما ئەڤرۆ گۆت: گۆتنا سترانێن راپێ تشتەكێ گەلەك جیاوازە وخۆشیەكا جوداتر هەیە، بەلێ ژ هەموو ستایلێن دی یێن سترانگۆتنێ ب زەحمەت ترە، لێ ئەز شیایمە دڤان چەند سالان دا چار كلیپ و دەه سترانان چێكەم و پتریا وان خەلكەكێ زۆر حەزژێكرینە.
هەروەسا گۆت: ب دیتنا من پتریا خەلكی حەزژ سترانێن راپێ دكەن، چنكو بۆ وان تشتەكێ نوویە و ئەز پێشبینی دكەم نڤشێ بهێت ژی دێ گەلەك حەزژێكەن، بۆ زانین ئەڤ ستایلە گەلەكێ ب زەحمەتە و هەموو كەس نەشێن بێژن، ژبەر هندێ فەرە راپەر گەلەك ل سەر خوە كاربكەت، دا ببیتە راپەرەكێ خودان شیان.
