رونالدۆ .. هاتریك.. یاریه‌كا پرى هه‌ڤركى و گۆل دا ئسپانیا و پورتوگال وه‌كهه‌ڤ بون
ئه‌ڤرۆ نیوز، زنار زوبێر:
د یاریه‌كا پرى هه‌ڤركى و گۆل دا ناڤبه‌را هه‌ردو هه‌لبژارتیێن ئسپانیا و پورتوگال دا ب وه‌كهه‌ڤى ب سێ گۆلان بۆ هه‌ردو هه‌لبژارتیان ب دوماهى هات د یاریێن گه‌را ئێكێ دا یێن كوما دویێ د وێ یاریێ دا ئه‌وا ل یاریگه‌ها ئولومپیك هاتیه كرن ل باژێرێ سوتشى.
د نیڤا ئێكێ دا هه‌ردو هه‌لبژارتیان ب ئاسته‌كێ بهێز یارى دكر لێ ل ده‌قیقه‌یا چارێ ژ یاریێ كرستیانو رونالدو شیا گۆلا ئێكێ و بۆ هه‌لبژارتیێ خوه تومار بكه‌ت لێ هند پێنه‌چوو هه‌لبژارتیێ ئسپانیا شیا گۆلا وه‌كهه‌ڤیێ ب جوانترین شێوه ژلایێ دیێگۆ كوستا ڤه توماربكه‌ت، پشتى ڤێ گۆلێ ستێرا پورتوگال رونالدوى نیڤا ئێكێ ب پێشكه‌فتنا وه‌لاتێ خوه ب دوماهى ئینا پشتى شیاى گۆلا دویێ توماربكه‌ت ژ ئه‌گه‌رێ خه‌له‌تیا گولچیێ ئسپانیا دی خیاى.
د نیڤا دویێ دا هه‌لبژارتیێ ئسپانیا بهێزتر هاته د یاریێ دا و شیان د سێ ده‌قیقه‌یان دا دو گۆلان ب رێكا دیێگۆ كوستا و ناچو فێرناندز توماربكه‌ن ل ده‌قیقه‌یێن 55 و 58، پشتى ڤێ گۆلێ هه‌لبژارتیێ پورتوگال هه‌مى بزاڤ كرن پێخه‌مه‌ت راستڤه‌كرنا ئه‌نجامێ یاریێ ئه‌ڤ چه‌نده ژى ل ده‌قیقه‌یا 88 ژ یاریێ بجه هات ده‌مێ ستێرا جیهانێ رونالدۆى گۆلا سیێ و هاتریك توماركرى و یارى ب وه‌كهه‌ڤ ب سێ گۆلان ب دوماهى بینت و هه‌ردو هه‌لبژارتیى ب خاله‌كێ رازى بون.
