ئه‌ڤرۆ نيوز ناڤێ سه‌رۆک و ئه‌ندامێن نوو یێن کارگێریا یانا زێره‌ڤانی ئاشکرا دکه‌ت
ئه‌ڤرو نيوز، هه‌ژار مه‌عروف:
کارگێریا یانا زێرەڤانی پشتی کارکرن زێدەتر ژ شەش سالان و شیان چەندین دەستکەفتیان ل سەر ئاستێ ھەرێمێ ب یاریێن تەپا پێ و یاریێن تاک ب دەستخوڤە بینن ب فەرمی سەرۆک و ئەندامێن دەستەیا کارگێریا یانێ دەست ژ پوستێن خوە بەردا و داخوازا لێبورینێ ژ بەردەوامیا خوە کری و دەزگەھێ فەرمی یێ گرێدای وێ یانێ پشتی دەست کارکێشانا سەرۆک و ئەندامێن یانێ ل جھێ ئەوان چەند کەسێن دی دەست نیشانکرن.
ل دویڤ ژێدەرێن دەنگوباسی یێن بەر دەستێ رۆژناما ئەڤرۆ کەڤتین فەرماندەیا زێرەڤانی چەند کەسێن دی بەربژارکرینە ل جھێ کارگێریا بەری نوکە یا یانێ پشتی ناڤبریا دەست بەردانا خوە پێشکێشکری و ل دویڤ ئەو ژێدەرێن نێزیک یێن گەھشتی نە بەر دەستێ رۆژناما ئەڤرۆ دەست کارکێشانا سەرۆک و ئەندامێن کارگێریا یانا زێرەڤانی گەھشت بوونە بەر دەستێ رێڤەبەریا وەرزشی ل پارێزگەھا دھۆکێ و پاش ھاتینە ھنارتن بۆ رێڤەبەریا گشتی یا وەرزشی ل کوردستانێ و ھەردیسان ناڤێن ئەوان بەربژارێن نوو یێن دێ کارکەن ل یانێ دا ل بەر دەستێ رێڤەبەریا گشتی یا وەرزشی نە ل کوردستانێ و بریاره ئه‌ڤرۆ ئێڤاری ل باره‌گایێ یانا زێره‌ڤانی د کونگره‌کێ روژنامه‌ڤانی ناڤێ سه‌روک و ئه‌ندامێن نوو یێن کارگێریا نوو یا یانا زێره‌ڤانی بهێنه راگه‌هاندن .
ھەردیسان ل دویڤ ئه‌و ژێدەرێن به‌ر ده‌ستێ روژناما ئه‌ڤرۆ که‌ڤتین سەرۆکێ نوو یێ یانا زێرەڤانی فەخری فەرست و چێگرێ وی محەمەد کو بەری نوکە وەکو سەرپەرشتێ تیما تەپا پێ یا زێرەڤانی بوو ھەردیسان ل گه‌ل چار ئه‌ندامێن کارگێریا یانێ ئەوژی عەبدوللا جەلال و نیھاد کو ھەردو ماموستایێن پەروەردەیا وەرزشی نە ل زانکویا دھۆک ھەردیسان دو ئافرەت ژی ل گەل دانە ئەوژی یاریزانا بەرنیاس یا به‌ری نوکه ل سەر ئاستێ ھەرێمێ و راھێنەرا کچ چریسک یونس و راگەھاندکارا کچ سوپر نالی.
