رویته‌رز: بریكارێ وه‌زاره‌تا ناڤخوه‌یا عیراقێ د په‌قینه‌كێ دا هات كوشتن
ئه‌ڤرۆ نیۆز:
ژێده‌ره‌كێ ئاگه‌هدار یێ ئێمناهیێ ل به‌غدا راگه‌هاند، بریكارێ وه‌زاره‌تا ناڤخوه‌یا كاروبارێن ئێمناهیا فیدرالى یێ به‌رێ و نوونه‌رێ فراكسیۆنا ده‌وله‌تا قانوونێ ئه‌حمه‌د خه‌فاجى د ئه‌نجامێ په‌قینا باژێركێ كازمیه ل باكورێ به‌غدا هات كوشتن.
ئه‌حمه‌د خه‌فاجى نوونه‌رێ چالاكێ ئیئتیلافا ده‌وله‌تا قانوونێ یه و لیستا به‌در ب سه‌رۆكاتیا هادى ئه‌لعامرى كو به‌ربژاره بۆ پۆستێ وه‌زاره‌تا به‌ره‌ڤانیا عیراقێ به‌لێ هه‌تا نها رازیبوونا ته‌مام وه‌رنه‌گرتیه.
په‌قینا هاتیه روودان ل ده‌روازه‌یا باژێرێ كازمیه ژ ئالیێ ئه‌لشالجیێ ڤه كریه ئارامانج كو خاله‌كا پشكنینێ لێ هه‌یه و د ئه‌نجامدا ب ده‌هان كه‌س كوشتى و بریندار بوون.
