رۆسیا: ئەم ل دژی ئۆپەراسیۆنێن سەربازی نە ل باکورێ سووریێ
ئەلێکساندیر لاڤرینتیێڤ نوونەرێ تایبەت یێ سەرۆکێ رۆسیا بۆ کاروبارێن سووریێ د داخۆیانیەکێ دا بۆ دەزگەهێن راگەهاندنا رۆسیا دیار کر، ئەو قەبوول ناکەن چو وەلاتەک ئۆپەراسیۆنێن سەربازی ل باکورێ سووریێ ئەنجام بدەت، سەردەمێ ئۆپەراسیۆنێن سەربازی ل باکورێ سووریێ نەمایە و نها وەکو رۆسیا ئەو کار دکەن دا رەوشا سووریێ ئارام بیت و پرسێن هەی ژی ب رێیا دانوستاندنان بهێنە چارەسەرکرن.
نوونەرێ تایبەت یێ سەرۆکێ رۆسیا بۆ کاروبارێن سووریێ ئەو یەک ژی دیار کر، وەکو رۆسیا ئەو ناهێلن چو وەلاتەک رەوشا ئارام یا ل سووریێ تێک بدەت، بەری دەمەکێ سەرۆکێ رۆسیا ب رەنگەکێ ئاشکرا بەرپرسێن تورکیا ژی ئاگەهدار کریە کو هزرا چو ئۆپەراسیۆنێن سەربازی ل باکورێ سووریێ نەکەن، چونکی رۆسیا رێ نادەت تورکیا کارەکێ وەسا بکەت، ئەو یەک دێ بیتە ئەگەرێ روودانا ئالۆزیێن نوو ل سووریێ و رۆسیا رێ نادەت تورکیا تستەک وەسا بکەت.
