رۆسیا دەست ب ئێرشەکا بەرفرەهـ یا کری
وەزارەتا دەرڤە یا ئۆکرانیایێ راگەهاند کو چەند رۆژن رۆسیا ب درۆنان و چەکێ گران دەست ب ئێرشەکا بەرفرەه ل دژی وەلاتێ وان کریە و د ئەنجاما ئێرشێن چەند رۆژێن بۆری دا گەلەک وەلاتیێن سڤیل ژی بووینە قوربانی، ئەو یەک ژی نیشا ددەت رۆسیا رۆژانە مافێن مرۆڤی بنپێ دکەت و یا بەرهەڤ نینە رێزێ ل سەروەریا ئاخا ئۆکرانیایێ بگریت، ژ بەر هندێ ژی ئەو وەکو ئۆکرانیا دێ ب هەموو رەنگەکێ بەرسڤا ئێرشێن رۆسیا دەن.
دەزگەهێن راگەهاندنا جیهانێ ژی دیار دکەن، پشتی کو ئەلمانیا بریار دا چەکێ پێشکەفتی بدەتە ئۆکرانیایێ، رۆسیا ژی دەست ب ئێرشێن نوو ل دژی ئۆکرانیایێ یا کری و د ئەنجاما ئێرشێن چەند رۆژێن بۆری دا گەلەک عومبارێن چەکی یێن ئۆکرانیایێ ژ ئالیێ فرۆکێن شەری یێن رۆسیا ڤە هاتینە ژناڤبرن، رۆسیا ب هەموو رەنگەکێ کار دکەت دا نەهێلیت چەکێ نوو و پێشکەفتی بکەڤنە دەستێ لەشکرێ ئۆکرانیایێ.
