رۆژناما ده‌یلى مێل: دوله‌تا ئیسلامى داعش بتنێ 2 كلیومتران ژ به‌غدا دووره
ئه‌ڤرۆ نیۆز:
رۆژناما به‌ریتانى (ده‌یلى مێل) ئاشكراكر، سه‌ره‌راى هێرشێن ئه‌سمانى یێن ئه‌مریكى و یێن نێڤده‌ولى یێن چر، به‌لێ رێكخستنا تیرۆرستى یا داعشى ژ ئالیێ رۆژئاڤایا به‌غدا د پێشڤه‌چوونێ دا، ده‌وله‌تا ئیسلامى یا عیراق و شامێ (داعش) بتنێ 2 كیلومتران ژ پایته‌ختێ عیراقێ به‌غدا یا دووره.
رۆژناما ناڤبرى د راپۆته‌كا تایبه‌ت ل دۆر جهێن هه‌بوونا داعشێ ب نه‌خشه‌كێ ل ده‌وربه‌رێن به‌غدا دیاركریه، هه‌ڤده‌م خوه‌یاكر، شه‌روپێكدادانێن دژوار د ناڤبه‌را هێزێن عیراقێ و ملیتانێن شیعى و چه‌كدارێن تیرۆرستێن داعشێ دا هه‌نه.
رۆژناما به‌ریتانى ل سه‌ر زارێ ئێك ژ شاره‌زایێن به‌ریتانى ڤه‌گوهاستیه، ب ناڤێ كانون ئه‌ندرو كو نوكه ل به‌غدایێ دژیت دوپاتكر، داعش نێزیكى به‌غدا بوویه و ره‌وشا به‌رهه‌ڤیا رووب رووبوونا ل گه‌ل داعشێ ل پایته‌ختێ به‌غدایێ ب ئاشكرایێ دهێته دیتن.
