رۆژنامەڤانێن زاخۆ تێهنیێن خزمەتكرنێ نە
ئەڤرۆ، بێوار حەمدی:
محەمەد سەدیق، بەرپرسێ سەندیكا رۆژنامە نڤــــــــــــــــیسێن كودردستانێ/نڤیسینگەها زاخۆ، د دیدارەكێ دا بۆ رۆژناما ئەڤرۆ گۆت: ئەنجۆمەنێ سەندیكا رۆژنامەنڤیسان گرنگیەكا مەزن دایە هەبوونا لق و نڤیسینگەهێن خوە ل دەڤەرێن جودایێن جودایێن كوردستانێ و ڤەكرنا نڤیسینگەها زاخۆ ژی گرنگیەكا تایبەت هەیە، ژبەركو هژمارەكا زۆرا رۆژنامەڤانان ل زاخۆ هەنە و ڤێ چەندێ كارێ مەژی ب ساناهی و بلەزتر لێكریە، لێ هێشتا گرنگی دان ب نڤیسنگەها زاخۆ نە ل دووف ئاستێ پێدڤیە، چنكو رۆژنامەڤانێن زاخۆ تێهنیێن خزمەتكرنێ نە و ئەم زێدەتر دخوازین.
هەروەسا گۆت: ئەوا دلێ مە پێ خۆش دبیت تەناكرنا وژدانا مەیە ل گەل رۆژنامەڤانان، ئەم چەند ماندی ژی بین بۆ خزمەتكرنا هەڤالێن خوە هەست پێ ناكەین، ژبەر هندێ كارێ مە ب باشی ب رێڤەدچیت، لێ مە ئاریشەیێن مادی هەنە، هیڤی خوازم هەموو كەسەك ب رێزگرتنڤە بەرێ خوە بدەتە كارێ رۆژنامەڤانان.