رۆھنکرەک ژ دەزگەھێ رەوشەنبیری وراگەھاندنێ یێ پارتی
ئەڤرۆ:
دەمەکە ھژمارەکا دەزگەھێن راگەھاندنێ و تۆرێن جڤاکی ھەوەکا نە رەوا دژی کادرێن چالاک یێن پارتا مە دەستپێکریە کو تێدا داخۆیانی و نڤیسینێن وان دھێنە شێواندن یان ژی ب درەو داخۆیانی و بۆچوونێن بێ سەروبەر و نەدروست ب ناڤێ بەرپرس و کادرێن چالاک یێن پارتی دھێنە بەلاڤکرن.ئەم دزانین کو ئەڤ جۆرە کارێن نەرەوا پشکەکن ژ وێ تیرۆرا ھزری و شەرێ دەروونی کو ل بەرانبەر خەلکێ نیشتمانپەروەر و خودان پرنسیبێ کوردستانێ دھێنە ئەنجامدان.
سەرەرای شەھمەزارکرنا ڤان جۆرە رەفتارێن دژی کەلتووری و نامۆ، خەلکێ خوەشتڤیێ کوردستانێ پشت راست دکەین ل گەل ھەبوونا ڤان بزاڤ و ھەوێن نە رەوا، کادر و لایەنگرێن پارتی و خەباتکەر و نیشتمانپەروەرێن کوردستانێ دێ د رژدتر بن ل سەر بەرگریکرنێ ژ بھا و ئارمانجێن بلند یێن گەلێ کوردستانێ و پارتی دیموکراتی کوردستان و ھیچ جۆرە تیرۆر و جەواشەکاریەک کارتێکرنێ لێ ناکەت.
دەزگەھێ رەوشەنبیری و راگەھاندنێ
پارتی دیموکراتی کوردستان
