رۆیته‌رز: پێشمه‌رگه‌ى چه‌كێ دژى تانكان بریه كوبانێ
ئه‌ڤرۆ نیۆز:
به‌رپرسه‌كێ كوردێن رۆژئاڤایا كوردستانێ بۆ رۆیته‌رز گۆت: ئه‌و هێزا پێشمه‌رگه‌ى یا هاتیه ره‌وانه‌ركن بۆ پشته‌ڤانى و هاریكاریا شه‌رڤانێن كوبانێ چه‌كێ دژى تانكان و زریپۆشان ل گه‌ل خوه ئینان.
سه‌رۆكێ پارتا ئێكه‌تیا دیموكراتى یا كوردێن سورى سالح موسلم دوپاتكر، پێشنینى دهێته كرن ئه‌ڤرۆ پێشمه‌رگه ب گه‌هیته كوبانێ، زێده‌بارى دیاركر، پێدڤیه پێشمه‌رگه چه‌كێ دژى تانك و زریپوشان ل گه‌ل هه‌بیت، ل گه‌ل چه‌كێ به‌ره‌ڤانى كرنێ یێ تایبه‌ت و پڕانیا چه‌كى دێ توپ و هاون و دژه تانك بن.
سالح موسلم گۆت: ئه‌و چه‌كێ نوو دێ هاریكاریا شه‌رڤانێن (YPG ) بۆ به‌رهنگاریا دژى داعشێ كه‌ت كو ترۆمبێلێن دژه مووشه‌ك و تانكان د هێرشێن خوه دا ب كاردئینن.
سالح موسلم ئاشكرا كر، شه‌رڤانێن كورد ب شیانێن خوه یێن لبه‌ر ده‌ست شه‌رى دكه‌ن، به‌لێ تانك و زریپوشان ئاریشكا مه‌زن ل هه‌مبه‌رى شه‌رڤانان په‌یداكریه، چونكى شه‌رى دژى وان تانكان ب چه‌كێ ته‌قیلیدى ناهێته كرن.
