رێز ل هه‌لبه‌ستڤان شه‌مال ئاكره‌یى هاته‌گرتن
ئه‌ڤرۆ نیۆز، سالار دۆسكى:
رێڤه‌به‌ریا گشتى یا ره‌وشه‌نبیرى و هونه‌رى رێڤه‌به‌ریا چالاكێن وێژه‌یى، ب مه‌ره‌ما رێزگرتنێ ل هه‌مبه‌ر خه‌لاتكرنا وى ل وه‌لاتێ مسرێ دفیسته‌فاله‌كێ دا كو ب ئه‌نجامه‌كێ باش ڤه‌گه‌ریایى ، ئه‌ڤرۆ ئێڤارى 4/11/ هه‌لبه‌ستڤان شه‌مال ئاكره‌یى هاته خه‌لاتكرن و رێز لێ هاته‌گرتن.
حه‌سه‌ن عارف به‌رپه‌رسێ راگه‌هاندنێ رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ بۆ ئه‌ڤرۆ نیۆز گۆت: وه‌ك پشته‌ڤانى ژبۆ وه‌رگرتنا پلا ئێكێ دڤیسته‌ڤالا پێ نڤێسیێ (القلم الحر) ل وه‌لاتێ مسرێ، ئێڤاره‌كا رێزگرتنێ ل هه‌لبه‌ستڤان شه‌مال ئاكره‌یى هاته‌گرتن.
به‌رپه‌رسێ راگه‌هاندنێ هێشتا ژى گۆت: رێڤه‌به‌ریا گشتى یا ره‌وشه‌نبیرى و هونه‌رى ئه‌ڤه نه بۆ جارا ئێكێ یه، كه‌سانێن هوسا خه‌لات دكه‌ت ورێزێ لێ دگریت، به‌لكو دهه‌موو بیاڤێن ره‌وشه‌نبیرى و هونه‌رى دا چ ل سه‌ر ئاستێ تاكى یان گرۆپ ژلایێ رێڤه‌به‌ریا گشتى یا ره‌وشه‌نبیرى و هونه‌رى ڤه هاتینه خه‌لاتكرن، رێڤه‌به‌ریا گشتى هه‌رده‌م پالپشت و پشته‌ڤانه بۆ كه‌سانێن ده‌رڤه‌ى هه‌رێما كوردستانێ پشكدارى فیسته‌ڤالا دبن، خه‌لاتا بده‌ست خوه‌ڤه دئینن، چونكه كه‌سانێن بڤى ره‌نگى دبنه ملكێ باژێر و پارێزگه‌ها دهۆكێ بڤى ناڤى پشكداردبن، دیسا هه‌رده‌م رێڤه‌به‌ریا گشتى بزاڤا دكه‌ت كه‌سانێن داهێنه‌ر خه‌لات بكه‌ت وه‌ك پشته‌ڤانى وپالپشتى بۆ شیانێن وان.
جهێ ئاماژه‌كرنێ یه چه‌ندین په‌یڤ بڤێ هه‌لكه‌فتێ هاتنه خواندن، پاشان رێڤه‌به‌ریا گشتى یا ره‌وشه‌نبیرى هه‌لبستڤان شه‌مال ئاكره‌یى خه‌لاتكر و ناڤبرى سوپاسیێن خوه ئاره‌سه‌كرن هه‌مبه‌ر ڤێ رێزگرتنێ، دووماهیێ ژى ناڤبرى چه‌ندین هه‌لبه‌ست خواندن.
