رێكارێن بەرهەنگاریا تایا خوینبەربوونێ هاتنە توندكـرن
لەزگین جۆقی:
رێڤەبەبەێ كاروبارێن خۆپاراستنا ساخلەمیا پارێزگەها دهۆكێ دیاركر كو كەسەكێ خەلكێ شنگالێ، كو تووشی تایا خوینبەربوونێ بوویە، ل نەخۆشخانەیێن دهۆكێ هاتیە نڤاندن و دبێژیت: رەوشا وی یا باشە، نوكە رێكارێن بەرهەنگاریا تایا خوینبەربوونێ هاتینە توندكرن، ب مەرەما پاراستنا ژیانا وەلاتیان، ئەم داخوازێ ژ خەلكێ خۆ دكەین پێگیریێ ب رێنومایێن ساخلەمیێ بكەن.
د. بەختیار ئەحمەد، رێڤەبەرێ كاروبارێن خۆپاراستنا ساخلەمیا پارێزگەها دهۆكێ بۆ ئەڤرۆ دیار كر كو پێدڤیە وەلاتی خۆ ژ كڕینا گۆشتێ نەساخلەم دوور بكەن، هەروەسا ئەو ئامیرێن بۆ گۆشتی دهێنە بكارئینان دپاڤژبن و نابیت سەرەدەریەكا نەدروست ل گەل تەرش و كەوالی بهێتە كرن، چونكی ئەڤە دبیتە ئەگەرێ مەترسیا تایا خوینبەربوونێ و باشترە تەرش و كەوال بهێتە رەشاندن و پێدڤیە سەرژێكرن ب تنێ ل جهێن دەستووردایی بیت.
