رێكخراوا ساخله‌میا جیهانێ: توشبووێن كورونایێ ل ماوه‌ێ 20 رۆژان ساخ دبن
ئه‌ڤرۆ نیوز:
رێكخراوا ساخله‌میا جیهانێ راگه‌هاند: توشبوویێن ب ڤایرۆسێ كورونا COVID-19 دشیاندایه پشتی ده‌ركه‌ڤتنا نیشانێن نه‌خوشیێ ل ماوه‌یی 20 رۆژان دا ب ته‌مامی ساخ بیته‌ڤه.
تارق یاساریڤیچ په‌یڤدارێ رێكخراوا ساخله‌میا جیهانێ راگه‌هاند: لگۆری ئه‌وان راسپارده‌یێن مه، دشیاندایه پشتی ده‌ركه‌تنا دو ئه‌نجامێن پشكنینا نێگه‌تیڤ ل سه‌ر ئێك بۆ تاقیكرنا ڤایرۆسی بۆ ئه‌وی كه‌سی دبێژن ساخ بوویه كۆ ژ نه‌خوشخانه‌یی دهێته ده‌رخستن.
په‌یڤدارێ رێكخراوا ساخله‌میا جیهانێ ئه‌و چه‌نده ژی راگه‌هاند: لگۆری ڤه‌كۆلینان ده‌مێ ساخبوونا ته‌مامیا توشبوویێن ب ڤایرۆسێ كورونا ل وی ده‌می نیشانێن نه‌خوشیێ ده‌ر دكه‌ڤن كۆ نێزیكی 20 رۆژانه.
رێكخراوا ساخله‌میا جیهانێ گۆت: ل نێزیكڤه چاڤدێریا ئه‌وان راپورتان دكه‌ین كۆ ل سه‌ر حاله‌تێن توشبوون ب ڤایرۆسێ كورونا دهێنه به‌رهه‌ڤكرن.
